స్టార్ డైరెక్టర్ కొరటాల శివ డైరెక్షన్‌ లో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. ఈ మూవీలో జాన్వీ కపూర్ హీరోయిన్ గా నటిస్తున్న సంగతి తెలిసిందే. అయితే జాన్వీ కపూర్ తాజాగా ఎన్టీఆర్ పై క్రేజీ కామెంట్లు చేసింది. జాన్వీ కపూర్ తాను ఎవరితో డాన్స్ చేసేందుకు ఇష్ట పడతారో తాజాగా ఓ ఇంటర్వ్యూలో జాన్వీ చెప్పుకొచ్చింది. విక్కీ కౌశల్, హృతిక్ రోషన్‌ లలో మీరు ఎవరితో డాన్స్ చేసేందుకు ఇష్టపడతారని యాంకర్ అడిగిన ప్రశ్నకు, జాన్వీ కపూర్ చాలా భిన్నంగా స్పందించి సమాధానం తెలిపింది.
విక్కీ కౌశల్, హృతిక్ రోషన్‌ ఇద్దర్నీ కాదని, జూనియర్ ఎన్టీఆర్ తో డాన్స్ చేసేందుకు తాను ఇష్టపడతాను అని జాన్వీ చెప్పుకొచ్చింది. ‘ఇప్పటికే దేవరలో ఎన్టీఆర్‌తో ఓ సాంగ్ చేశా. మరో సాంగ్ చేయడానికి ఎంతో ఆత్రుతగా ఎదురుచూస్తున్నా’ అని జాన్వీ కపూర్ తెలియజేసింది. కాగా ఈ సినిమాలో బాలీవుడ్ స్టార్ సైఫ్ అలీఖాన్ విలన్ గా నటిస్తున్న సంగతి తెలిసిందే. మొత్తానికి దేవర సినిమా పై రోజురోజుకూ అంచనాలు పెరిగిపోతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్, శ్రీకాంత్ ముఖ్య పాత్రల్లో నటిస్తున్న సంగతి తెలిసిందే.
