పాన్ ఇండియా సినిమా దగ్గర తన సినిమాలతో అదరగొట్టిన దక్షిణాది దర్శకుల్లో సెన్సేషనల్ డైరెక్టర్ ప్రశాంత్ నీల్ ఒకరనే సంగతి తెలిసిందే. మరి ప్రశాంత్ నీల్ ఇప్పుడు వరకు సౌత్ నుంచి బిగ్గెస్ట్ మాస్ హీరోలతోనే సాలిడ్ సినిమాలు చేసి అదరగొట్టిన సంగతి తెలిసిందే. అటు కన్నడ లో రాకింగ్ స్టార్ యష్ ఇటు మన తెలుగులో రెబల్ స్టార్ ప్రభాస్ తో సినిమాలు చేసి మాస్ ఆడియెన్స్ కి క్రేజీ ట్రీట్ ని ఇచ్చాడు.. ఇక ఇదిలా ఉండగా ఇప్పుడు మరో బిగ్గెస్ట్ మాస్ హీరోతో సినిమా చేయనున్నట్టుగా టాక్‌ వినిపిస్తుంది.
అది కూడా ఒక్క సినిమా కాదు ఏకంగా రెండు సినిమాలు అజిత్ తో నీల్ ప్లాన్ చేస్తున్నట్టుగా సమాచారం. ఇది కానీ నిజం అయితే డెఫినెట్ గా మన సౌత్ సినిమా నుంచి మరో సెన్సేషనల్ మాస్ హిట్‌ కాంబినేషన్ గా మారుతుంది అని చెప్పుకోవచ్చు. మరి ఈ క్రేజీ కాంబినేషన్ పై అఫీషియల్ క్లారిటీ అయితే రావాల్సి ఉంది. ప్రస్తుతం అజిత్ విడా ముయార్చి , గుడ్ బ్యాడ్ అగ్లీ సినిమాలతో బిజీగా ఉండగా ప్రశాంత్ నీల్ సలార్ 2 తో బిజీగా ఉన్న సంగతి తెలిసిందే.
