బడ్డీలో బాలయ్య రిఫరెన్స్‌.. ఇక పునకాలే కాసుకోండి!

మెగా హీరో అల్లు శిరీష్  తాజాగా నటిస్తున్న మూవీ  ‘బ‌డ్డీ’ ఇప్ప‌టికే ఈ సినిమా షూటింగ్ ప‌నులు ముగించుకుని విడుదలకు రెడీ అయ్యింది. ఈ సినిమాను సామ్ ఆంటోన్ దర్శకత్వం వహిస్తుండగా, ఫిక్ష‌న‌ల్ కాన్సెప్ట్ తో ఈ మూవీ ప్రేక్షకుల‌ను ఆకట్టుకోబోతుంది. ఇక ఈ సినిమాలో ఫ్లైట్ కెప్టెన్ గా అల్లు శిరీష్ న‌టిస్తుండ‌గా, ఓ గ్రాఫిక్స్ టెడ్డీ బేర్‌ చుట్టూ క‌థ సాగ‌నుంది. ఇప్ప‌టికే విడుదల అయిన ఈ సినిమా పోస్ట‌ర్స్, టీజ‌ర్, ట్రైల‌ర్లు సినిమాపై పాజిటివ్ వైబ్స్‌ ని క్రియేట్‌ చేస్తున్నాయి.

కాగా, ఈ సినిమాలో అభిమానుల‌కు ఓ స‌ర్ప్రైజ్ ఉండ‌నుంద‌ని సమాచారం. ఈ సినిమాలో నట‌సింహం నంద‌మూరి బాల‌కృష్ణ కు సంబంధించిన ఓ రిఫ‌రెన్స్ ఉండ‌బోతుందని సమాచారం. ‘జై బాల‌య్య’ స్లోగ‌న్ తో థియేట‌ర్లు ద‌ద్ద‌రిల్ల‌నున్నాయని చిత్ర యూనిట్ ఊరిస్తుంది. ఓ యాక్ష‌న్ సీన్ సంద‌ర్భంగా ఈ స్లోగ‌న్ ఉంటుంద‌ని, ”భ‌గ‌వంత్ కేస‌రి” సినిమాలోని థీమ్ మ్యూజిక్ కూడా ప్రేక్ష‌కుల‌ను స‌ర్ ప్రైజ్ చేయ‌నుంద‌ని చిత్ర బృందం ప్రకటించింది.

ఇక ఈ సినిమాలో ప్రిషా రాజేష్ సింగ్ హీరోయిన్ గా న‌టిస్తోండ‌గా అజ్మ‌ల్, ముఖేష్ కుమార్ త‌దిత‌రులు ఇత‌ర ముఖ్య పాత్ర‌ల్లో చేస్తున్నారు. హిప్ హాప్ త‌మిళ సంగీతం అందిస్తున్న ఈ సినిమా ఆగ‌స్టు 2న విడుదల అయ్యేందుకు రెడీగా ఉంది.