మాస్ కా దాస్ విశ్వక్ సేన్ వరుస హిట్లతో ఫుల్ బిజీగా ఉన్నాడు. ఇటీవలే గ్యాంగ్స్‌ ఆఫ్‌ గోదావరి సినిమాతో విశ్వక్ మంచి హిట్ అందుకున్న సంగతి తెలిసిందే. గోదావరి బ్యాక్‌డ్రాప్‌లో యాక్ష‌న్ జాన‌ర్‌లో వ‌చ్చిన ఈ సినిమా విశ్వక్‌సేన్‌కు మంచి మార్కులు తెచ్చిపెట్టింది. అయితే ఈ సినిమా అనంత‌రం విశ్వక్ “మెకానిక్‌ రాకీ” అనే సినిమా తో ప్రేక్షకుల ముందుకు రాబోతున్న సంగతి తెలిసిందే. పక్కా కమర్షియల్ ఎంటర్టైనర్ గా రూపొందుతున్న ఈ చిత్రానికి డెబ్యూ డైరెక్టర్ రవితేజ ముళ్లపూడి దర్శకత్వం వహిస్తున్నారు.
ఎస్‌ఆర్టీ ఎంటర్టైన్మెంట్స్ బ్యానర్ పై రామ్ తాళ్లూరి నిర్మాణ బాధ్యతలు చేపట్టారు. ఇప్పటికే మూవీ నుంచి విడుదలైన విశ్వక్ లుక్ పోస్టర్ మంచి రెస్పాన్స్ అందుకుంది. ప్ర‌స్తుతం శ‌ర‌వేగంగా షూటింగ్ జరుపుకుంటున్న ఈ సినిమా దీపావ‌ళి కానుక‌గా అక్టోబ‌ర్ 31 ప్రేక్షకుల ముందుకు రాబోతుంది.అయితే తాజాగా ఈ సినిమా నుంచి మరో ఇంట్రెస్టింగ్ అప్డేట్ ఇచ్చారు మూవీ మేకర్స్. ట్రయాంగల్ ప్రేమకథగా తెరకెక్కుతున్న ఈ సినిమాలో కోలీవుడ్ బ్యూటీ శ్రద్ధ శ్రీనాథ్ కూడా ఫిమేల్ లీడ్ గా మరో కీలక పాత్రలో నటించనున్నట్లు పోస్టర్ రిలీజ్ చేశారు.
ఇప్పటికే ఈ సినిమాలో విశ్వక్ సరసన మీనాక్షి చౌదరి నటిస్తున్న సంగతి తెలిసిందే.
