మెగాస్టార్ చిరంజీవి కొద్ది రోజుల క్రితం పద్మ విభూషణ్ అవార్డు ను అందుకున్న విషయం తెలిసిందే. మెగాస్టార్ చిరంజీవి సినీ పరిశ్రమలో ఎంత ఎత్తుకి ఎదిగారు అనేది ఆయన అందుకుంటున్న పురస్కారాలను చూస్తేనే తెలుస్తుంది. అయితే తాజాగా చిరంజీవికి మరో గొప్ప గౌరవం దక్కింది. IIFA ఉత్సవం 2024 కి గానూ, “ఔట్ స్టాండింగ్ అచీవ్ మెంట్ ఇన్ ఇండియన్ సినిమా” గౌరవాన్ని మెగాస్టార్అం దుకోనున్నారు. ఇది అభిమానులకి ఇది శుభవార్త అనే చెప్పాలి.
ఇక చిరు సినిమాల విషయానికి వస్తే, గతేడాది వాల్తేరు వీరయ్య, భోళా శంకర్ చిత్రాలతో ప్రేక్షకుల ముందుకు వచ్చారు. ఒక చిత్రం బ్లాక్ బస్టర్ విజయాన్ని అందుకోగా, మరొక చిత్రం ప్రేక్షకులను మెప్పించలేకపోయింది. ప్రస్తుతం మెగాస్టార్ బింబిసార ఫేమ్ డైరెక్టర్ మల్లిడి వశిష్ఠ దర్శకత్వంలో విశ్వంభర అనే ఫాంటసీ మూవీలో నటిస్తున్నారు. వచ్చే ఏడాది జనవరి 10 న థియేటర్ల లోకి వచ్చి సందడి చేయనుంది. యూవీ క్రియేషన్స్ పతాకంపై భారీ బడ్జెట్ తో నిర్మిస్తున్న ఈ చిత్రం లో త్రిష కృష్ణన్ హీరోయిన్ గా నటిస్తుండగా, ఎంఎం కీరవాణి సంగీతం సమకూరుస్తున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు ఏర్పడ్డాయి.
