యంగ్ హీరో మాస్‌ కా దాస్‌ విశ్వక్ సేన్ వరుస హిట్లతో ముందుకు దూసుకుపోతున్నాడు.
ఈ ఏడాదిలో ఇప్పటికే రెండు సినిమాలు విడుదల చేసిన ఈ యంగ్ హీరో మంచి హిట్లను అందుకున్నాడు. గామీ బ్రేక్ ఈవెన్ సాధించగా, గ్యాంగ్స్ అఫ్ గోదావరి యావరేజ్ టాక్ తో సరిపెట్టుకున్నా నిర్మాతలకు బాగానే గిట్టుబాటు అయ్యిందని సమాచారం. ప్రస్తుతం మిడ్ రేంజ్ హీరోలలో నిర్మాతలకు హాట్ ఫేవరేట్ విశ్వక్ సేన్ అనడంలో ఏ మాత్రం సందేహం లేదని తెలుస్తుంది.
విశ్వక్ తో సినిమా చేస్తే మినిమం గ్యారెంటీ అనే పేరు పడిపోయింది. ఓటీటీలోనూ విశ్వక్ చిత్రాలకు మంచి ఆదరణ వస్తుండడంతో ఆయనతో సినిమాలు చేసేందుకు నిర్మాతలు ఆసక్తి చూపిస్తున్నారు. కాగా విశ్వక్ ప్రస్తుతం ‘మెకానిక్ రాకీ’ అనే చిత్రంలో యాక్ట్‌ చేస్తున్నాడు. రవితేజ ముళ్ళపూడి ఈ చిత్రానికి దర్శకత్వం వహిస్తున్నారు. ప్రస్తుతం ఈ చిత్రం షూటింగ్ దశలో ఉంది.
మరోవైపు ఈ మూవీ థియేట్రీకల్ రైట్స్ డీల్ క్లోజ్ చేసారు నిర్మాత. మెకానిక్ రాకీ ఆల్ ఇండియా థియేట్రికల్ రైట్స్ రూ.8 కోట్లకు కొనుగోలు చేసినట్టు ఏషియన్, సురేష్ సంస్థలు ప్రకటించాయి. తాజాగా ఈ సినిమా విడుదల తేదీని లాక్ చేసింది నిర్మాణ సంస్థ. మెకానిక్ రాకీ చిత్రాన్ని ప్రపంచ వ్యాప్తంగా దీపావళి కానుకగా విడుదల చేసేందుకు సన్నాహకాలు ప్రారంభించారు నిర్మాత.
విశ్వక్ సేన్ సినీ కెరియర్ లో 10వ చిత్రంగా ప్రేక్షకుల ముందుకు రాబోతుంది మెకానిక్ రాకీ. విశ్వక్ సరసన మీనాక్షి చౌదరి హీరోయిన్ గా నటిస్తుండగా మలయాళ మ్యూజిక్ డైరెక్టర్ జాక్స్ బెజోయ్ సంగీతం దర్శకుడిగా ఉన్నారు. ఎస్.ఆర్.టి ఎంటర్టైన్మెంట్స్ బ్యానర్ పై రామ్ తాళ్లూరి ఈ చిత్రాన్ని నిర్మిస్తున్నారు.
