చాలాకాలం క్రితం బాలీవుడ్ భామ కత్రినా కైఫ్ గర్భవతి అంటూ రూమర్స్ నడుస్తున్నాయి. కానీ అప్పుడు ఆమె ప్రెగ్నెంట్‌ కాదు అని తేలింది. అయితే మరోసారి తాజాగా కత్రినా గర్భం గురించి చర్చనీయాంశమైంది. అయితే తొలిసారిగా కత్రినా ప్రెగ్నెన్సీ గురించి వస్తున్న వార్తలపై ఆమె భర్త, నటుడు విక్కీ కౌశల్‌ మౌనం వీడాడు.
తన తరువాతి చిత్రం ‘బాడ్ న్యూస్’ ప్రమోషన్‌లో భాగంగా విక్కీ చాలా ఇంటర్వ్యూల్లో పాల్గొంటున్నారు. ఇటీవల సినిమా నుంచి విడుదల చేసి పాట కూడా హిట్ అయ్యింది. అయితే ఓ పాట విషయంలో ఆయన్ను కొందరు ట్రోల్ చేస్తున్నారు. ట్రోల్స్ తో పాటు కత్రినా గర్భవతి అనే వార్త వైరలవుతుండటంతో విక్కీ తన మౌనాన్ని వీడాడు.
ఓ ఇంటర్వ్యూ లో విక్కీ తన భార్య కత్రినా కైఫ్ గురించి ప్రస్తావించారు. ఆమె రాకతో జీవితం ఆనందంగా మారిందని తెలియజేశారు. కత్రినా ప్రెగ్నెంట్‌ అంటూ జరుగుతోన్న ప్రచారంపై మాట్లాడుతూ.. ‘‘గుడ్‌న్యూస్‌ ఏదైనా ఉంటే సంతోషంగా ఆ విషయాన్ని మీ అందరితో పంచుకుంటాం. నెట్టింట వైరల్‌గా మారిన ప్రచారంలో ఎలాంటి నిజం లేదు. ప్రస్తుతానికి ‘బ్యాడ్‌న్యూస్‌’(సినిమా) ఎంజాయ్‌ చేయండి.” అంటూ చెప్పుకొచ్చారు. ‘బ్యాడ్‌న్యూస్‌’ లోని రీసెంట్‌ హిట్ సాంగ్‌ ‘తౌబా తౌబా’ గురించి ప్రస్తావించారు.
ఆ పాట కోసం టీమ్‌ అంతా కష్టపడి వర్క్‌ చేసినట్లు వివరించాడు. సుమారు నాలుగు రోజులపాటు ఆ డ్యాన్స్‌ నేర్చుకున్నానని తెలిపారు. స్టెప్పులు నేర్పించి, ఎంతోగానో శ్రమించిన టీమ్‌కు ధన్యవాదాలు తెలియజేశారు. ప్రేక్షకులు నా శ్రమకు తగిన ప్రతిఫలాన్ని అందించారని.. మీ ప్రేమాభిమానాలకు రుణపడి ఉంటానన్నారు. కాగా..ఈ సినిమా జులై 19న ప్రేక్షకుల ముందుకు రానుంది.
