లేడీ సూపర్‌ స్టార్‌, బ్యూటీ నయనతార ప్ర‌స్తుతం చాలా సెలెక్టివ్ గా సినిమాలు చేస్తుంది. ఆమె న‌టించే సినిమాల కోసం మూవీ ల‌వ‌ర్స్ ఎంతో ఆస‌క్తిగా ఎదురుచూస్తుంటారంటే అతిశయోక్తి కాదు. ఇక ఇప్ప‌టికే బిగ్ బాస్ ఫేం కెవిన్ హీరోగా నటించ‌బోతున్న ఓ సినిమాలో నయనతార న‌టించ‌బోతున్న‌ట్లు కోలీవుడ్ వ‌ర్గాల్లో ఓ వార్త షికారు చేస్తున్న విషయం తెలిసిందే.
ఈ సినిమాను డెబ్యూటంట్ విష్ణు ఇడ‌వ‌న్ డైరెక్ట్ చేయ‌నున్నాడు. ఇక ఈ సినిమాలో నయనతార పాత్ర‌కు సంబంధించి ఓ ఇంట్రెస్టింగ్ బ‌జ్ వినిపిస్తోంది. ఈ మూవీలో న‌య‌న్ కెవిన్ కంటే వ‌య‌సులో పెద్ద‌దిగా కనిపిస్తుందంట. అయినా కూడా కెవిన్ ను ప్రేమించే పాత్ర‌లో న‌య‌న్ రెచ్చిపోయి నటించనున్నట్లు సినీ వర్గాలు చెబుతున్నాయి.
లోకేశ్ క‌న‌గ‌రాజ్ శిష్యుడైన విష్ణు ఇడ‌వ‌న్ ఈ సినిమాను రొమాంటిక్ ఎంట‌ర్టైన‌ర్ గా రూపుదిద్దుతున్నట్లు టాక్‌. ఈ సినిమాకు అనిరుధ్ ర‌విచంద‌ర్ సంగీతం అందిస్తుండ‌గా న‌య‌న్ భ‌ర్త విఘ్నేష్ శివ‌న్ ప్రొడ్యూస్ చేయ‌బోతున్నాడు. దీంతో న‌య‌న్ అభిమానులు ఈ సినిమా కోసం ఎంతగానో ఆస‌క్తిగా ఎదురుచూస్తున్నారు.
