ఇండస్ట్రీలో చిన్న సినిమాలు అన్ని ఒక్కసారిగా విడుదల అయ్యేందుకు రెడీ అవుతున్నాయి. ఇప్పటికే ఆగస్టు రెండో తేదీన రక్షిత్ అట్లూరి ఆపరేషన్ రావణ్, విజయ్ ఆంటోనీ తుఫాన్, వరుణ్ సందేశ్ విరాజి, శ్రీ కమల్ ఉషా పరిణయం, రాజ్ తరుణ్ తిరగబడరా సామి అనే సినిమాలు విడుదలకు సిద్దంగా ఉన్నాయి.
ఇప్పుడు ఈ ఐదు సినిమాల కంటే ఒకరోజు ముందు విడుదల కాబోతుంది..గంగా ఎంటర్టైన్మంట్స్ ‘శివం భజే’. ఇటీవల విడుదలైన ఫస్ట్ లుక్, టీజర్ తో అందరి దృష్టిని ఆకర్షించిన ‘శివం భజే’ మూవీ ఆగస్టు 1న ప్రపంచ వ్యాప్తంగా గ్రాండ్గా విడుదల అయ్యేందుకు రెడీ గా ఉన్నట్లు నిర్మాత మహేశ్వర్ రెడ్డి మూలి ప్రకటించారు. అప్సర్ దర్శకత్వంలో తెరకక్కనున్న ఈ న్యూ ఏజ్ డివైన్ సస్పెన్స్ థ్రిల్లర్ సినిమాలో హీరో – హీరోయిన్లుగా అశ్విన్ బాబు, దిగంగన సూర్యవంశీ నటించారు.
బాలీవుడ్ నటుడు అర్బాజ్ ఖాన్, మురళీ శర్మ, తనికెళ్ళ భరణి, సాయి ధీనా, అయ్యప్ప శర్మ, హైపర్ ఆది, బ్రహ్మాజీ, తులసి, దేవి ప్రసాద్ వంటి నటులు ముఖ్యమైన పాత్రలు పోషించారు. ప్రస్తుతం నిర్మాణాంతర కార్యక్రమాలు చివరి దశలో ఉండగా ఆగష్టు 1న ప్రపంచవ్యప్తంగా గ్రాండ్ గా విడుదల చేయడానికి సిద్దమవుతున్నారు మూవీ మేకర్స్.
