సైన్స్ అండ్ ఫిక్షన్‌ జోనర్ ప్రాజెక్ట్‌ ‘కల్కి 2898 ఏడీ’ కలెక్షన్ల విషయంలో టాక్ ఆఫ్‌ ది గ్లోబల్ ఇండస్ట్రీగా నిలిచిన సంగతి తెలిసిందే. సినిమా విడుదలైన మొదటి రోజు నుంచే కాసుల వర్షాన్ని కురిపిస్తోన్న కల్కి.. బాక్సాఫీస్‌ వద్ద సరికొత్త రికార్డులు సృష్టించింది. ప్రపంచవ్యాప్తంగా రూ.1000 కోట్లు (గ్రాస్‌) వసూలు చేసిన భారతీయ చిత్రంగా రికార్డులు సృష్టించిన విషయం తెలిసిందే.
కల్కి పార్ట్‌-2 కోసం ఇప్పటి నుంచే అభిమానులు ఎంతో ఆసక్తిగా ఎదురుచూస్తున్నారు. కల్కి సినిమాలో అతిథి పాత్రల్లో మెరిసిన నటీనటుల ఫోటోలను చిత్ర యూనిట్ వరుసగా విడుదల చేస్తోంది.కల్కిలో విజయ్‌ దేవరకొండ అర్జునుడి పాత్రలో కనిపించగా.. ఆయనకు సంబందించిన ఓ పోస్టర్‌ను చిత్ర యూనిట్ ఇటీవల రిలీజ్ చేసింది. తాజాగా మృణాల్ ఠాకూర్ పోస్టర్‌ను వదిలింది.
‘కల్కి 2898 ఏడీ ప్రపంచం నుంచి మృణాల్ ఠాకూర్‌ను దివ్యగా పరిచయం చేస్తున్నాం’ అని ప్రముఖ నిర్మాణ సంస్థ మైత్రీ మూవీ మేకర్స్‌ పేర్కొంది. మృణాల్ కొత్త ఫోటో సోషల్ మీడియాలో వైరల్ అయింది. సినిమా మొదట్లోనే ఓ చిన్న క్యారెక్టర్‌లో మృణాల్ ఠాకూర్ కనిపించారు. ప్రెగ్నెంట్ లేడీ క్యారెక్టర్‌ను ఆమె చేశారు.కల్కి సినిమా గురించి మృణాల్ ఠాకూర్ సోషల్ మీడియాలో ఓ స్పెషల్ పోస్ట్ షేర్ చేసిన విషయం తెలిసిందే.
