టాలీవుడ్‌ స్టార్‌ హీరోల్లో విక్టరీ వెంకటేష్ ఒకరు. తాజాగా ఆయన మరోసారి అనిల్ రావిపూడితో జత కట్టబోతున్న విషయం తెలిసిందే. ఈ సినిమా వెంకీ 76 సినిమాగా రూపుదిద్దుకుంటుంది. ఇప్పటికే వీరిద్దరి కాంబినేషన్ లో ఎఫ్2 సిరీస్ మంచి విజయాన్ని అందుకోగా.. ఇప్పుడు ముచ్చటగా మూడోసారి వీరి కాంబో తెరకెక్కనుంది. అయితే, ఈసారి కేవలం కామెడీ మాత్రమే కాకుండా.. సీరియస్ యాక్షన్ తో సినిమాను తెరకెక్కించమన్నారు మూవీ మేకర్స్.
దిల్ రాజు నిర్మాతగా సినిమా చాలా రోజుల క్రితమే అనౌన్స్ చేసిన విషయం తెలిసిందే. తాజాగా సినిమా క్యాస్టింగ్ సంబంధించిన పూర్తి వివరాలను తెలిపారు. ఇక నేడు మొత్తానికి షూటింగ్ ను మొదలుపెట్టేశారు. రామానాయుడు స్టూడియోలో వెంకీ 76 సినిమా షూటింగ్ ను చిత్ర యూనిట్ ప్రారంభించింది. తాజాగా మూవీ మేకర్స్ ఓ వీడియోతో తమ షూటింగ్ మొదలు పెడుతున్నామని అధికారులు కూడా అనౌన్స్ చేసిన సంగతి తెలిసిందే.
ఈ సినిమాలో హీరోయిన్ గా మీనాక్షి చౌదరి నటిస్తుండగా… అలాగే సినిమాలో నరేష్, గణేష్ నటించబోతున్నారు. ఇక నేడు మొదటి షెడ్యూల్ లో భాగంగా మొదటి రోజున సెట్స్ లో డైరెక్టర్‌ అనిల్ రావిపూడి, నిర్మాత దిల్ రాజు ఉన్నారు. కాకపోతే హీరో వెంకటేష్ మాత్రం సెట్స్ కు రాలేదు. సినిమాలో హీరో వెంకటేష్ ఒక మాజీ పోలీసు. అలాగే ‘ ఓ ఎక్స్ గర్ల్ ఫ్రెండ్, ఎక్సెలెంట్ వైఫ్,ఎక్స్ కాప్, ఈ ముగ్గురి మధ్య జరిగే ఓ క్రైమ్ ఎంటర్టైనర్ గా సినిమాను తీయబోతున్నట్లు చిత్ర బృందం తెలిపింది.
