యంగ్‌ టైగర్‌ ఎన్టీఆర్ కొరటాల శివ డైరెక్షన్‌ లో వస్తున్న పాన్ ఇండియా మూవీ దేవర. ఇందులో బాలీవుడ్ ముద్దుగుమ్మ జాన్వీ కపూర్‌ హీరోయిన్‌ గా చేస్తుండగా..సైఫ్ అలీఖాన్ ప్రతినాయకుడిగా నటిస్తున్న విషయం తెలిసిందే. ఈ సినిమాలో ఎన్టీఆర్ డబుల్‌ రోల్‌ చేయబోతున్నట్లు సమాచారం.
కాగా ఇటీవల దేవర సినిమా నుంచి విడుదల అయిన గ్లిమ్స్, ఫస్ట్ సింగిల్ కు సూపర్ రెస్పాన్స్ వచ్చిన సంగతి తెలిసిందే. ఎన్టీఆర్ లుక్, కొరటాల టేకింగ్ సినిమాపై అంచనాలను మరింత పెంచేశాయి. కాగా దేవర నుండి మరొక అప్ డేట్ రాబోతుంది. ఈ చిత్రంలో సైఫ్ అలీఖాన్ తో పాటు మరొక బాలీవుడ్ నటుడు నటించబోతున్నాడని చిత్ర బృందం నుండి సమాచారం. ఇటీవల యానిమల్ లో క్రూరమైన ప్రతినాయకుడి పాత్రలో నటించి మెప్పించిన బాబీ డియోల్ దేవరలో కి రాబోతున్నట్లు సమాచారం.
ఇప్పటికే కొరటాల శివ బాబీ డియోల్ కు సినిమా కథ వినిపించాడని మొదటి భాగం క్లైమాక్స్ లో బాబీ డియోల్ పాత్ర అదిరిపోయే ట్విస్ట్ ఇస్తుందని, ఆ ట్విస్ట్ తో సెకండ్ పార్ట్ కు లీడ్ ఇచ్చే విధంగా కొరటాల శివ డియోల్ పాత్ర ను తీర్చి దిద్దినట్లు వార్తలు వస్తున్నాయి. ప్రస్తుతం చర్చలు జరుగుతున్నాయని బాబీ డియోల్ నుండి గ్రీన్ సిగ్నల్ కోసం ఎదురుచూస్తున్నట్టు సమాచారం. ఇదిలా ఉంటే దేవర చిత్రం రెండు భాగాలుగా రాబోతున్న సంగతి తెలిసిందే. ప్రస్తుతం జెట్ స్పీడ్ లో దేవర షూటింగ్ జరుపుకుంటుంది.ఈ చిత్రంతో పాటు బాలీవుడ్ డెబ్యూ వార్ -2లోను హృతిక్ రోషన్ తో కలిసి నటిస్తున్నాడు తారక్.
