టాలీవుడ్‌ యంగ్‌ అండ్‌ నేచురల్‌ హీరో నాని , హీరోయిన్‌ ప్రియాంక అరుళ్‌ మోహన్‌ జంటగా నటిస్తున్న సినిమా సరిపోదా శనివారం. ఇప్పటికే ఈ సినిమా నుంచి నేచురల్‌ స్టార్‌ నాని పోస్టర్లను విడుదల చేయగా..అవి అభిమానులను ఎంతగానో ఆకట్టుకున్నాయి. తాజాగా ఈ సినిమా నుంచి చారులత క్యారెక్టర్‌ లో ప్రియాంక మోహన్‌ ని పరిచయం చేస్తూ ఓ పోస్టర్ ని విడుదల చేయగా..అందులో ప్రియాంక అందంగా ఆకట్టుకునే విధంగా ఉంది.
ఈ సినిమాని టాలెంటెడ్ దర్శకుడు వివేక్ ఆత్రేయ తెరకెక్కిస్తున్న విషయం తెలిసిందే. మరి ఓ క్రేజీ కాన్సెప్ట్ తో వస్తున్న ఈ సినిమాలో దర్శకుడు ఎస్ జె సూర్య ఓ సాలిడ్ క్యారెక్టర్‌ చేస్తున్న విషయం తెలిసిందే. ఈ సినిమాపై మంచి బజ్ ఆల్రెడీ అయితే ఉంది. ఇక ఎప్పటికప్పుడు మేకర్స్ కూడా సాలిడ్ అప్డేట్స్ ని అందిస్తుండగా ఇపుడు ఈ చిత్రం కోసం అభిమానులు ఆసక్తిగా ఎదురు చూస్తున్నారు.
అయితే ఇప్పుడు ఈ సినిమా వాయిదా పడినట్టుగా కొన్ని రూమర్స్ వినిపిస్తున్నాయి. ఆగస్ట్ 29 నుంచి కేవలం కొన్ని రోజులు వెనక్కి వెళ్లినట్టుగా సమాచారం. దీంతో ఈ మూవీ సెప్టెంబర్ రెండో వారానికి మారినట్లు టాక్. మరి ఇందులో ఎంతవరకు నిజం ఉందో వేచి చూడాలి. ఇక ఈ చిత్రానికి జేక్స్ బిజోయ్ సంగీతం అందిస్తుండగా డీవీవీ ఎంటర్టైన్మెంట్స్ వారు నిర్మాణం వహిస్తున్నారు.
