సెన్సేషనల్‌ హిట్ల దర్శకుడు సందీప్ రెడ్డి వంగా డైరెక్షన్‌ లో ప్రభాస్ హీరోగా ‘స్పిరిట్‌’ అనే సినిమా చేయబోతున్న విషయం తెలిసిందే. ప్రస్తుతం ఈ సినిమా స్క్రిప్ట్ పనుల్లో సందీప్ రెడ్డి బిజీగా ఉన్నాడని తెలుస్తుంది. మరోవైపు ఈ మూవీ కోసం ప్రభాస్ అభిమానులు ఎంతో ఆసక్తిగా ఎదురుచూస్తున్నారు. అయితే తాజాగా ప్రభాస్ పాత్ర పై ఓ ఇంట్రెస్టింగ్ అప్ డేట్ వినిపిస్తోంది.
ఈసినిమాలో పవర్ ఫుల్ మాఫియా డాన్ గా ప్రభాస్ పాత్ర ఉండబోతోందని, ముఖ్యంగా ప్రభాస్ పాత్రలోని డెప్త్ కూడా నెవ్వర్ బిఫోర్ అనే రేంజ్ లో ఉంటుందని సమాచారం. అలాగే, ఈ సినిమాలో ప్రభాస్ రెండు డిఫరెంట్ లుక్స్ లో కనిపించనున్నారని.. అందులో ఒకటి పక్కా మాస్ లుక్ అని, ఆ లుక్ లో ప్రభాస్ నిజంగా ప్రేక్షకులకు షాక్ ఇస్తాడని మూవీ మేకర్స్‌ అంటున్నారు.
పూర్తిగా రఫ్ అండ్ రగ్గుడ్ లుక్ తో ప్రభాస్ సరికొత్త గెటప్ లో ఈ సినిమాలో కనిపించబోతున్నాడంట. అదేవిధంగా ప్రభాస్ రెండో లుక్ సూపర్ స్టైలిష్ గా హాలీవుడ్ రేంజ్ లో ఉంటుందని సమాచారం.. అన్నట్టు ప్రభాస్ నుంచి ప్రేక్షకులు ఏదైతే బలంగా కోరుకుంటున్నారో అదే ఈ సినిమాలో ఉండనుందంట. ఇప్పటికే, 80 శాతం స్క్రిప్ట్ వర్క్ పూర్తి చేసుకుంది. రూ.300 కోట్లకు పైగా బడ్జెట్‌ తో ఈ సినిమా రూపుదిద్దుకుంటుంది.
