సెన్సేషనల్ కాంబో అయిన కమల్ హాసన్, శంకర్ ల తాజా చిత్రం భారతీయుడు 2, జులై 12 వ తేదీన ఈ సినిమా విడుదలకు రెడీ గా ఉంది. ఈ చిత్రానికి కి సంబందించిన ప్రమోషన్స్ ను చిత్ర యూనిట్ ఇప్పటికే వేగవంతంచేయడం జరిగింది. అందులో భాగంగానే ఆదివారం తెలుగులో ప్రీ రిలీజ్ ఈవెంట్ ను నిర్వహించడం జరిగింది. ఈ వేడుక చాలా గ్రాండ్ గా జరిగింది. డైరెక్టర్ శంకర్ ఈ ఈవెంట్ లో పలు ఆసక్తికరమైన కామెంట్లు చేశారు.
మాకు సపోర్ట్ చేస్తున్న తెలుగు ఆడియెన్స్ కోసం స్ట్రెయిట్ పిక్చర్ చేయాలని అనిపించింది, గేమ్ చేంజర్ ద్వారా ఆ అవకాశం దొరికింది అని చెప్పుకొచ్చారు. రామ్ చరణ్ పోర్షన్ పూర్తయ్యింది. ఆయన గురించి చెప్పాలంటే ఎక్సలెంట్ స్క్రీన్ ప్రెజెన్స్ తో పాటు, ఆయన దగ్గర ఓ కంట్రోల్డ్ పవర్ ఉంది. ఇది ఎప్పుడు బ్లాస్ట్ అవుతుందా అనే మంచి యాక్టర్.
సినిమా చూస్తే మీకు ఎలాగూ ఈ విషయం అర్థం అవుతుంది.రామ్ చరణ్ తో వర్క్ చేసినందుకు చాలా సంతోషంగా అనిపించింది. ఇంకా 10-15 రోజుల షూటింగ్ మాత్రమే మిగిలి ఉంది. తర్వాత విడుదలకి రెడీ చేస్తాం అంటూ చెప్పుకొచ్చారు. ఈ కామెంట్స్ సోషల్ మీడియాలో వైరల్ అవుతున్నాయి. శంకర్ చేసిన కామెంట్ల తో గేమ్ ఛేంజర్‌ సినిమా పై అందరిలో మరింత ఆసక్తి నెలకొంది.
