టాలీవుడ్‌ యంగ్ నటుడు, మంచి కామెడీ టైమింగ్ ఉన్న యాక్టర్‌ ప్రియదర్శి ప్రధానపాత్ర లో కూడా పలు చిత్రాల్లో నటిస్తున్నాడు. తన సెన్సేషనల్ హిట్ చిత్రం “బలగం” తర్వాత మరిన్ని మంచి సినిమాలు చేస్తూ వస్తున్నాడు. ఈ క్రమంలోనే యంగ్ హీరో అలాగే యంగ్ హీరోయిన్ నభా నటేష్ ప్రధాన పాత్రలో దర్శకుడు అశ్విన్ రామ్ తెరకెక్కించిన తాజా చిత్రమే “డార్లింగ్”.
మరి ఈ సినిమా ఫస్ట్ లుక్ పోస్టర్ తోనే నభా నటేష్ రోల్ పై ఇంట్రెస్టింగ్ హింట్ ఇచ్చిన చిత్ర బృందం ఇప్పుడు అందుకు తగ్గట్టుగానే ఆమె సైడ్ నుంచే సినిమాలో సాలిడ్ ఎంటర్టైన్మెంట్ ఉండబోతుంది అని తాజా ట్రైలర్ లో చూస్తే తెలిసిపోతుంది. అపరిచితుడు తరహాలో ఒకే మనిషిలో మరికొన్ని పర్సనాల్టిస్ ఉంటే… ఆ మనిషి అమ్మాయి అయ్యి ఆ అమ్మాయిని పెళ్లి చేసుకొని భార్యతో పారిస్ వెళ్ళాలి అని కోరుకుంటున్న యువకుడుకి తగిలితే ఎలా ఉంటుంది… అనే ఫన్ లైన్ తో సాలిడ్ ఎంటర్టైన్మెంట్ ని చిత్ర బృందం అందించేందుకు రెడీ అవుతుంది.
మరి ఈ ట్రైలర్ లో నభా అయితే అదరగొట్టేసింది అని చెప్పుకోవాల్సిందే. అలాగే ప్రియదర్శి కూడా తన మార్క్ టైమింగ్ లో కనిపిస్తున్నాడు. ఇంకా ట్రైలర్ లో వివేక్ సాగర్ మ్యూజిక్ కూడా చాలా బాగుందనే చెప్పుకోవాలి. మరి ఈ ఎంటర్టైనర్ ని “హను మాన్” నిర్మాతలు నిర్మాణం వహించగా ఈ జులై 19న సినిమా విడుదలకు రెడీ అవుతుంది.
