కోలీవుడ్‌ స్టార్ హీరోయిన్ నయనతార గతేడాది జవాన్‌ సినిమాతో మంచి కమ్‌ బ్యాక్‌ ఇచ్చింది. దీంతో సెకండ్‌ ఇన్నింగ్స్‌ లోనూ నయన్‌ వరుస ఆఫర్లు అందుకుంటూ ముందుకు దూసుకుపోతుంది. అది కాకుండా.. ముఖ్యంగా లేడీ ఓరియెంటెడ్ సినిమాలకు ప్రాధాన్యం ఇచ్చే ఈ ముద్దుగుమ్మ.. ఇటీవల ‘అన్నపూరణి’ సినిమాతో ప్రేక్షకుల ముందుకు వచ్చింది.
ఈ క్రమంలోనే ఇప్పుడు మరో ఓరియెంటెడ్ చిత్రానికి గ్రీన్ సిగ్నల్ ఇచ్చిందని తెలుస్తుంది.వర్సటైల్ యాక్టర్ విజయ్ సేతుపతి ‘మహారాజ’ సినిమాతో మంచి గుర్తింపు సొంతం చేసుకున్న దర్శకుడు నిథిలన్ సామినాథన్ ప్రజెంట్ నెక్ట్స్ ప్రాజెక్టుకు రెడీ అయ్యాడు. తన తరువాత సినిమాకి సంబంధించిన స్క్రిప్ట్‌ లైన్‌ను స్టార్ హీరోయిన్ నయనతారకు వినిపించాడట. స్టోరీ లైన్ బాగుండటంతో అలాగే లేడీ ఓరియెంటెడ్ చిత్రం కావడంతో ఓకే చెప్పేసిందని సమాచారం. అయితే.. దీనిపై ఇంకా అధికారిక ప్రకటన రావాల్సి ఉంది.
