పాన్‌ ఇండియా స్టార్ ప్రభాస్ , నాగ్‌ అశ్విన్‌ కాంబోలో తెరకెక్కిన మూవీ కల్కి 2898 ఏడీ. ఈ సినిమాలో మొదటి భాగంలో ఎంతో మంది స్టార్ నటులు కనిపించి ప్రేక్షకులను అలరించారు. వారిలో అమితాబ్‌, లోకనాయకుడు కమల్‌ హాసన్, శోభన, రాజేంద్ర ప్రసాద్‌ లతో పాటు విజయ్‌ దేవరకొండ, మృణాల్ ఠాకూర్ , దుల్కర్‌ సల్మాన్‌ రామ్‌ గోపాల్‌ వర్మ, నాని క్యామియో రోల్స్ చేసినట్లు తెలుస్తోంది.
అయితే ఈ మూవీ జూన్ 27న వరల్డ్ వైడ్‌గా విడుదలై రికార్డులు సృష్టిస్తోంది. ప్రస్తుతం ఇందులో నటించిన నటీనటుల రెమ్యునరేషన్లకు సంబంధించిన వార్తలు జోరందుకున్నాయి. అయితే ఇందులో నటించినందుకు మృణాల్ రెమ్యునరేషన్ తీసుకోనట్లు సమాచారం. దానికి కారణం ఈ అమ్మడుకి బ్లాక్ బస్టర్ ఇచ్చిన బ్యానర్ కావడంతో కల్కిలో ఫ్రీగా చేసినట్లు సమాచారం.
కాగా, మృణాల్ ఠాకూర్ సీతారామం మూవీతో టాలీవుడ్ ఇండస్ట్రీకి ఎంట్రీ ఇచ్చింది. సీతారామంతో మృణాల్ ఓవర్ నైట్ స్టార్ అయిపోయిందనే చెప్పాలి. దీని తర్వాత ఈ ముద్దుగుమ్మకి వరుస సినిమా అవకాశాలు రావడంతో బిజీ బిజీ గా ఉంటుంది. అలాగే ఇటీవల నటించిన హాయ్ నాన్న కూడా సూపర్ హిట్ అవడంతో అమ్మడు క్రేజ్ వేరే లెవల్లో ఉంది. ప్రస్తుతం బాలీవుడ్, టాలీవుడ్ అనే తేడా లేకుండా వరుస చిత్రాలు చేసుకుంటుంది.
