కోలీవుడ్‌ స్టార్‌ నటుడు విజయ్ సేతుపతి ప్రధానపాత్రలో చేసిన సినిమా మహారాజ జూన్‌ 14న థియేటర్లలో సందడి చేయనుంది. నితిలన్ సామినాథన్ మహారాజ సినిమాకు దర్శకత్వం వహించారు. రిలీజ్ డేట్ దగ్గర పడుతుండటంతో చిత్ర బృందం ప్రమోషన్స్ ను వేగవంతం చేసింది.
ఈ క్రమంలోనే విజయ్ సేతుపతి ప్రమోషన్స్ లో భాగం గా పలు ఆసక్తికర విషయాలు వెల్లడించారు.ఉప్పెన చిత్రంలో కృతి శెట్టి కి తండ్రి పాత్రలో నటించి, అందరినీ మెప్పించారు. మహారాజ సినిమాకి సంబందించి ఇంటర్వ్యూలో ఆయన నటించిన ఉప్పెన సినిమా గురించి మాట్లాడుతూ, కేవలం బుచ్చిబాబు కోసం మాత్రమే ఉప్పెన చిత్రం చేసినట్లు చెప్పారు.
సినిమా పట్ల బుచ్చిబాబు కి ఎంతో ప్యాషన్ ఉందని అన్నారు. డైలాగ్స్ బాగా రాశారు. జనరల్ గా నాలాంటి నటులు ఇలాంటి పాత్రలు చేయరు. అతను పాత్రతో కన్విన్స్ చేసినట్లు చెప్పారు. అంతేకాక ఈ చిత్రం కి చాలా తక్కువ రెమ్యునరేషన్ తీసుకున్నట్లు వివరించారు. విజయ్ సేతుపతి చేసిన ఈ కామెంట్స్ సోషల్ మీడియాలో ప్రస్తుతం వైరల్ గా మారాయి.
