యంగ్‌ రెబల్‌ స్టార్ ప్రభాస్ అభిమానులు ఎంతగానో ఎదురు చూస్తున్న సమయం రానే వచ్చింది. ప్రభాస్ న‌టిస్తున్న తాజా చిత్రం ‘కల్కి 2898 AD’. ఈ సినిమాకు మ‌హాన‌టి ఫేమ్ నాగ్‌ అశ్విన్ ద‌ర్శ‌క‌త్వం వ‌హిస్తున్న సంగతి తెలిసిందే. ఈ సినిమాలో బాలీవుడ్‌ ముద్దుగుమ్మలు దీపికా ప‌దుకొనే, దిశా ప‌టానీ క‌థానాయిక‌లుగా న‌టిస్తుండ‌గా.. అమితాబ్‌ బచ్చన్‌, కమల్‌ హాసన్‌ ముఖ్య పాత్రలు చేస్తున్నారు.
జూన్ 27న ప్రేక్ష‌కుల ముందుకు సినిమా రానుంది. ఈ సినిమా విడుద‌ల‌కు ఇంకా 22 రోజులే ఉండ‌డంతో వ‌రుస ప్ర‌మోష‌న్స్ పాల్గోంటుంది కల్కి టీమ్. అయితే ఈ సినిమా ట్రైలర్ కోసం ప్రభాస్ అభిమానులు ఎదురుచూస్తున్న విష‌యం తెలిసిందే. తాజాగా ట్రైల‌ర్‌కు సంబంధించిన ఓ కీలక అప్‌డేట్‌ను ఇచ్చారు చిత్ర బృందం. ఈ మూవీ ట్రైల‌ర్‌ను జూన్ 10న విడుదల చేయనున్నట్లు సమాచారం. దీంతో పాటు గ్రాండ్‌గా ప్రీ రిలీజ్ ఈవెంట్ ప్లాన్ చేయనున్నట్లు సమాచారం.
