బాలీవుడ్ స్టార్ హీరో వరుణ్ ధావన్ కొద్ది రోజుల క్రితం తండ్రి కాబోతున్నట్లు ప్రకటించిన విషయం తెలిసిందే. దీంతో ఆయన అభిమానులు ఆయనకు పెద్ద ఎత్తున శుభాకాంక్షలు తెలియజేశారు. తాజాగా, వరుణ్, నటాషా తమ మొదటి బిడ్డను వారి ఇంటిలోకి ఆహ్వానించారు. తన భార్య పండంటి ఆడబిడ్డకు జన్మనిచ్చినట్లు ప్రకటించి ఫ్యాన్స్‌కు సర్‌ప్రైజ్ చేశాడు. తల్లీ బిడ్డ ఆరోగ్యంగా ఉన్నారని పేర్కొన్నాడు.
అంతేకాకుండా ఇన్‌స్టా వేదికగా ఓ స్పెషల్ పోస్ట్ షేర్ చేశాడు. ‘‘మా ఆడబిడ్డ ఇక్కడ ఉంది. తల్లి, బిడ్డకు శుభాకాంక్షలు తెలిపినందుకు ధన్యవాదాలు’’ అని రాసుకొచ్చాడు.ప్రస్తుతం వరుణ్ పోస్ట్ వైరల్ అవుతుండగా.. అది చూసిన నెటిజన్లు సినీ ప్రముఖులు శుభాకాంక్షలు తెలియజేస్తున్నారు. అయితే ఇటీవల వరుణ్, డేవిడ్ ధావన్ ఓ ప్రైవేట్ ఆసుపత్రికి వెళ్లి వస్తుండగా.. అక్కడే ఉన్న మీడియా ప్రతినిధులు నటాషాకు బిడ్డ పుట్టిన విషయం గురించి అడిగారు. వ
రుణ్‌కు ఆడపిల్ల పుట్టింది నిజమేనా అని అడగ్గా.. దానికి డేవిడ్ అవును నిజమే మహాలక్ష్మి ఇంటికి వచ్చింది అని సమాధానమిచ్చాడు. దీనికి సంబంధించిన వీడియో కూడా ప్రస్తుతం సోషల్ మీడియాలో వైరల్ అవుతోంది. ఇక వరుణ్ ఫ్యాన్స్, కుటుంబ సభ్యులు సంతోషంగా సంబరాలు చేసుకుంటున్నారు.
