యంగ్‌ రెబల్‌ స్టార్‌ ప్రభాస్ ప్రస్తుతం చేతినిండా సినిమాలతో, కొన్ని సినిమాల ప్రమోషన్స్‌ తో ఫుల్‌ బిజీగా ఉన్నారు. ఈ క్రమంలోనే ప్రభాస్ ,మహానటి ఫేం నాగ్‌ అశ్విన్‌ కాంబోలో రాబోతున్న తాజా చిత్రం కల్కి 2898 ఏడీ . ఈ సినిమా కోసం ప్రేక్షకులు ఎంతగానో ఎదురు చూస్తున్నారు. ఈ సినిమాని మేకర్స్ జూన్ 27 న గ్రాండ్ గా విడుదల చేయనున్నారు.
ప్రభాస్ లైనప్ లో కల్కి తరువాత భారీ సినిమా చాలానే ఉన్నాయి. ఇదిలా ఉంటే ప్రభాస్ తన సినిమా షూటింగ్ ఉంది అంటే చాలు అక్కడ వర్క్ చేసే టెక్నిషియన్స్ అందరికి కూడా స్పెషల్ గా తన ఇంటి నుంచి భోజనం తెప్పిస్తుంటారు. ప్రభాస్ తన ఇంటికి వచ్చిన గెస్ట్స్ కి కూడా పలు రకాల ఫుడ్ తో మర్యాద చేస్తుంటాడు.
ప్రభాస్ ఫుడ్ తో చేసే మర్యాద చూసిన హీరోయిన్స్ ఫిదా అయిపోయి ప్రభాస్ కు స్పెషల్ థాంక్స్ చెబుతూ పోస్ట్స్ కూడా పెడుతుంటారు.. తాజాగా ఈ కోవలో బాలీవుడ్ బ్యూటీ శ్రద్ధ కపూర్ ప్రభాస్ గురించి ఆసక్తికర విషయాలు తెలిపింది. ఈ భామ ప్రభాస్ సాహో సినిమాలో నటించిన సంగతి తెలిసిందే. ఇదిలా ఉంటే తాజాగా సోషల్ మీడియాలో తన ఫోటోలు పోస్ట్ చేయగా ఓ నెటిజన్ ప్రభాస్ తో మళ్ళీ ఎప్పుడు నటిస్తారు అని కామెంట్ చేసారు.
ప్రభాస్ మళ్ళీ తన ఇంటి నుంచి ఫుడ్ పంపించినప్పుడు అంటూ శ్రద్ధ కపూర్ రిప్లై ఇచ్చింది.ఈ భామ ఇప్పటికి ప్రభాస్ పంపించిన ఫుడ్ గుర్తుంచుకుంది అంటే ప్రభాస్ ఏ రేంజ్ లో ఫుడ్ పంపించి ఉంటాడో అని నెటిజన్స్ కామెంట్లు పెడుతున్నారు.
