తెలుగు నటి చాందిని చౌదరి ఇప్పటి వరకు చాలా సినిమాల్లో నటించి మంచి పేరు తెచ్చుకుంది. ముందు షార్ట్‌ ఫిలిమ్స్‌ లో నటించి తరువాత సినిమాల్లోకి ఎంట్రీ ఇచ్చి తన సత్తా చాటింది. వరుస సినిమాలతో దూసుకుపోతుంది. ఇదివరకే హీరో విశ్వక్ సేన్ నటించిన గామి సినిమాతో హిట్టును సొంతం చేసుకున్న చాందిని అతి త్వరలో రాబోయే మ్యూజిక్ షాప్ మూర్తి, యేవమ్ సినిమాలతో ప్రేక్షకుల ముందుకు రానుంది.
ఈ రెండు సినిమాలలో చాందిని చౌదరి లీడ్ రూల్స్ లో చేసింది. ఇక్కడ విశేషమేమిటంటే.. ఈ రెండు సినిమాలు కూడా ఒకేరోజు విడుదల అవ్వడం విశేషం.ఈ సినిమాల్లో మ్యూజిక్ షాప్ మూర్తి సినిమా ఇప్పటి వరకు చాలాసార్లు వాయిదా పడి చివరికి జూన్ 14న ప్రేక్షకుల ముందుకి రానుంది. అయితే తాజాగా యేవమ్.. సినిమా కూడా అదే రోజు రిలీజ్ చేస్తున్నట్లు ఆ సినిమా బృందంప్రకటించింది. ఈ రెండు సినిమాలు కూడా కంటెంట్ ఓరియెంటెడ్ సినిమాలే.
ఇక యేవమ్ సినిమాలో చాందిని ఓ పోలీస్ ఆఫీసర్ గా కనిపిస్తోంది. ఇదివరకే ఈ సినిమా టీజర్ కూడా విడుదల అయింది.ఇప్పటివరకు ఒకే నిర్మాణ సంస్థ నుంచి రెండు వేరువేరు సినిమాలు ఒకే రోజు లేదా మరుసటి రోజు వచ్చాయా ఏమో కానీ.. ఓకే హీరోయిన్ ఉన్న సినిమాలు ఒకేరోజు రిలీజ్ అవ్వడం మాత్రం ఇదే మొదటిసారి. అయితే ఇలా విడుదల కావడానికి చాందిని ఒప్పుకుందా లేదా సినిమా నిర్మాతలు ఒప్పించారా అనే విషయం మాత్రం ఇంకా బయటికి రాలేదు.
మరి రెండు సినిమాలు ఒకేరోజు రిలీజ్ డేట్ ఫిక్స్ అవడంతో చివరికి ఏ సినిమా విడుదల అవుతుందో.. ఏ సినిమా వాయిదా పడుతుందో.. వేచి చూడాలి. ఒకవేళ రెండు సినిమాలు ఒకే రోజు విడుదల అయితే మాత్రం చాందిని రెండు సినిమాల ప్రమోషన్స్ కి చాలా కష్టపడాల్సిందే.
