నందమూరి నటసింహం బాలకృష్ణ గతేడాది భగవంత్‌ కేసరి సినిమాతో ప్రేక్షకుల ముందుకు వచ్చి బిగ్గెస్ట్‌ హిట్‌ అందుకున్నాడు. అనిల్‌ రావిపూడి తెరకెక్కించిన ఈ సినిమా బ్లాక్ బస్టర్ హిట్‌ అయింది. ఈ సినిమా తరువాత బాలయ్య యంగ్‌ డైరెక్టర్ బాబీ డైరెక్షన్ లో ఓ సినిమా చేస్తున్న విషయం తెలిసిందే. .”NBK 109 ” అనే వర్కింగ్ టైటిల్ తో ఈ సినిమా రూపుదిద్దుకుంటుంది.
ప్రస్తుతం ఈ సినిమా షూటింగ్ శరవేగంగా జరుగుతుంది.ఈ సినిమాను మేకర్స్ అక్టోబర్ లో దసరా కానుకగా విడుదల చేసేందుకు ప్లాన్ చేస్తున్నారు. ఇదిలా ఉంటే ఈ సినిమా తరువాత బాలయ్య తన ఫేవరెట్ డైరెక్టర్ బోయపాటి దర్శకత్వంలో అఖండ 2 లో నటిస్తున్నాడు. వీరి కాంబోలో వచ్చిన బ్లాక్ బస్టర్ మూవీ అఖండ సినిమాకు ఇది సీక్వెల్ గా రూపుదిద్దుకుంటుంది. అఖండ మూవీలో బాలయ్య అఘోర పాత్రలో అద్భుతంగా నటించి ప్రేక్షకులను అలరించాడు.
ఈ సినిమా సీక్వెల్ కోసం బాలయ్య ఫ్యాన్స్ ఎంతగానో ఎదురు చూస్తున్నారు. ఈ సినిమా త్వరలోనే సెట్స్ పైకి వెళ్లనున్నట్లు సమాచారం. ఇప్పటికే దర్శకుడు బోయపాటి ఈ సినిమాకు సంబంధించి స్క్రిప్ట్ కూడా పూర్తి చేసినట్లు తెలుస్తుంది. తాజాగా ఈ సినిమాలో బాలయ్యను మించిన విలన్ కోసం వేట కొనసాగిస్తున్నట్లు సమాచారం. ఈ సినిమా కోసం బోయపాటి సంజయ్ దత్ ,బాబీ డియోల్ వంటి స్టార్స్ ను కలిసినట్లు సమాచారం
