నందమూరి నటసింహం బాలయ్య బాబు గతేడాది భగవంత్‌ కేసరి చిత్రంతో బిగ్గెస్ట్‌ హిట్‌ అందుకున్నాడు. ఈ సినిమాని యంగ్ టాలెంటెడ్‌ డైరెక్టర్ అనిల్ రావిపూడి తెరకెక్కించిన విషయం తెలిసిందే. ప్రస్తుతం బాలయ్య మరో యంగ్ డైరెక్టర్ బాబీ డైరెక్షన్ లో సినిమా చేస్తున్నాడు. ఈ సినిమాను “NBK109 “వర్కింగ్ టైటిల్ తో తెరకెక్కిస్తున్నారు.
అయితే ఇటీవల రాష్ట్రంలో సార్వత్రిక ఎన్నికలు జరుగుతున్న నేపథ్యంలో బాలయ్య సినిమా షూటింగ్ కు బ్రేక్ ఇచ్చి ప్రచారంలో పాల్గొన్నారు. తాజాగా ఎన్నికలు ముగియడంతో బాలయ్య మళ్ళీ షూటింగ్ లో పాల్గొన్నారు. ఈ మూవీ షూటింగ్ శర వేగంగా జరుగుతుంది. ఈ సినిమాలో దుల్కర్ సల్మాన్ కీలక పాత్రలో నటిస్తున్నాడు.
అలాగే బాబీ డియోల్ ఈ సినిమాలో విలన్ గా చేస్తున్నారు. ఇదిలా ఉంటే ఈ సినిమా తరువాత బాలయ్య బోయపాటి డైరెక్షన్ లో అఖండ 2 సినిమాలో నటిస్తున్నాడు. ఈ సినిమా స్క్రిప్ట్ ఇప్పటికే పూర్తి అయినట్లు సమాచారం. ఇదిలా ఉంటే ఈ సినిమా గురించి ఓ ఇంట్రెస్టింగ్ న్యూస్ తెగ వైరల్ అవుతుంది. అఖండ 2 సినిమాను 100 కోట్ల బడ్జెట్ తో పాన్ ఇండియా లెవల్లో రూపొందిస్తున్నట్లు సమాచారం. ప్రస్తుతం ఈ వార్త సోషల్ మీడియాలో వైరల్ అవుతుంది.
