గ్లోబల్‌ స్టార్‌ రాంచరణ్ ప్రస్తుతం గేమ్ చేంజర్ సినిమా చేస్తూ ఫుల్‌ బిజీగా ఉన్నాడు. ఈ సినిమాని కోలీవుడ్‌ స్టార్‌ డైరెక్టర్‌ శంకర్‌ తెరకెక్కిస్తున్న విషయం తెలిసిందే. కొన్ని అనుకోని కారణాల వల్ల సినిమా షూటింగ్ ఆలస్యమవుతూ వచ్చింది. ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తుంది. ఇదిలా ఉంటే రాంచరణ్ తన తరువాత సినిమా ఉప్పెన ఫేమ్ బుచ్చిబాబు సన దర్శకత్వంలో చేస్తున్నట్లు ప్రకటించిన విషయం తెలిసిందే.
ఈ సినిమా “RC16″అనే వర్కింగ్ టైటిల్ తో తెరకెక్కనుంది. ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్ గా చేస్తుంది. ఆస్కార్ విన్నర్ ఏఆర్ రెహమాన్ ఈ సినిమాకు మ్యూజిక్ అందిస్తున్నారు. కొద్ది రోజుల క్రితం పూజా కార్యక్రమాలు జరుపుకున్న ఈ సినిమా షూటింగ్ కోసం డైరెక్టర్‌ బుచ్చిబాబు ఎంతగానో ఎదురుచూస్తున్నాడు.
అయితే గేమ్ చేంజర్ షూటింగ్ పూర్తి కాకుండా రాంచరణ్ ఈ సినిమా షూటింగ్ లోకి రాకూడదని పాల్గొనకూడదని అనుకుంటున్నారు. అయితే తాజాగా rc16 మూవీ షూటింగ్ గురించి ఓ క్రేజీ అప్డేట్ వైరల్ అవుతుంది .ఈ సినిమా షూటింగ్ లో రాంచరణ్ జూన్ నుంచి పాల్గొననున్నట్లు సమాచారం.
