టాలీవుడ్‌ రౌడీ హీరో విజయ్ దేవరకొండ నటించిన తాజా చిత్రం ఫ్యామిలీ స్టార్. ఈ సినిమా గత నెలలో విడుదలై ప్రేక్షకుల ముందుకు వచ్చి అభిమానులను కానీ, ప్రేక్షకులను కానీ పెద్దగా ఆకట్టుకోలేకపోయింది. దీంతో విజయ్ దేవరకొండ తన తరువాత సినిమాలపై పూర్తి దృష్టి పెట్టారు. విజయ్ దేవరకొండ ప్రస్తుతం వరుస సినిమాలను లైన్ లో పెట్టాడు. ప్రస్తుతం విజయ్ నటిస్తున్నమోస్ట్ అవైటెడ్ మూవీస్ లో రాహుల్‌ సాంకృత్యాన్‌ సినిమా కూడా ఒకటి.
ఈ సినిమాని మైత్రీ మూవీ మేకర్స్‌ ఎంతో గ్రాండ్‌ గా నిర్మిస్తున్నారు. ఇప్పటికే విజయ్ దేవరకొండ , రాహుల్‌ సాంకృత్యాన్‌ కాంబోలో ట్యాక్సీవాలా సినిమా వచ్చింది. అంతేకాకుండా శ్యామ్‌సింగరాయ్‌ వంటి సినిమాలతో ప్రేక్షకులను ఎంతగానో మెప్పించాడు.ఇప్పుడు విజయ్ దేవరకొండతో పీరియాడికల్‌ యాక్షన్‌ సినిమాను తెరకెక్కిస్తున్నారు. అయితే ఈ సినిమా కథ విషయంలో ఓ వార్త బాగా వైరల్ అవుతుంది.
దర్శకుడు రాహుల్‌ ఈ కథను విజయ్ కంటే ముందు తమిళ స్టార్ హీరో సూర్యకి చెప్పాడట. ఈ సినిమాలో హీరో సూర్య, కార్తీ తండ్రీకొడుకులుగా బిగ్గెస్ట్ మల్టీస్టారర్‌ ప్లాన్ చేసారు. కానీ అనుకొని కారణాల వల్ల ఆ సినిమా సెట్స్ పైకి వెళ్ళలేదు. దీనితో కథలో మార్పులు చేసి విజయ్ హీరోగా తెరకెక్కిస్తున్నారు.ఈ సినిమాలో ఓ యోధుడిగా విజయ్ దేవరకొండ నటిస్తున్నాడు.అలాగే ఈ సినిమాలో విజయ్ సరసన రష్మిక హీరోయిన్ గా నటిస్తున్నట్లు టాక్‌.
