ఎన్టీఆర్ – హృతిక్ రోషన్ కాంబోలో రాబోతున్న మోస్ట్‌ వాంటెడ్‌ మల్టీ స్టారర్‌ పాన్‌ ఇండియా సినిమా వార్ 2. ఈ సినిమా నుంచి వచ్చే ప్రతి అప్డేట్‌ కోసం అభిమానులు ఎంతో ఆసక్తిగా ఎదురు చూస్తున్నారు. ఐతే, ఈ సినిమాలోని స్పెషల్ సాంగ్ కోసం భారీ సెట్ వేస్తున్నట్లు సమాచారం. అంతేకాకుండా బాలీవుడ్‌ స్టార్‌ నటి కత్రినా కైఫ్‌ తో ఈ సాంగ్ ను చేయించేందుకు చిత్ర బృందం సన్నాహాలు చేస్తున్నట్లు టాక్‌.
మరి ఈ వార్తలో నిజమెంతో వేచి చూడాల్సిందే. ఎన్టీఆర్ – హృతిక్ రోషన్ కలయిక అనగానే ఆడియన్స్ లో కూడా భారీగా అంచనాలు ఉన్నాయి. ఈ సినిమాలో ఎన్టీఆర్ పాత్ర పై ఫ్యాన్స్ ఆసక్తిగా ఎదురు చూస్తున్నారు. అన్నట్టు ‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉంటుందని వినికిడి. పైగా ‘వార్ 2’ అనేది యాక్షన్ ఫిల్మ్. మరి యాక్షన్ ఫిల్మ్ లో ఎన్టీఆర్ ఏ రేంజ్ నటనతో ఆకట్టుకుంటాడో వేచి చూడాల్సిందే.
