యంగ్‌ టైగర్‌ ఎన్టీఆర్ ఆర్‌ఆర్‌ఆర్‌ తరువాత నటిస్తున్న తాజా చిత్రం దేవర. ఈ సినిమాని టాలీవుడ్‌ మాస్ అండ్ డైరెక్టర్‌ కొరటాల శివ తీర్చిదిద్దుతున్నారు. ఈ సినిమాకి యంగ్‌ మ్యూజిక్‌ సెన్సేషన్ అనిరుధ్‌ సంగీతాన్ని అందిస్తున్నారు. ఈ సినిమాలో తారక్‌ కు జోడిగా బాలీవుడ్‌ బ్యూటీ జాన్వీ కపూర్‌ నటిస్తుంది.
అంతేకాకుండా బాలీవుడ్‌ నటుడు సైఫ్‌ ఆలీఖాన్‌ విలన్‌ గా నటిస్తున్నాడు. ప్రస్తుతం ఈ సినిమా షూటింగ్‌ చాలా వేగంగా జరుగుతుంది. ఈ సినిమాలో ఎన్టీఆర్ డబుల్‌ రోల్‌ చేస్తున్నట్లు ఎప్పటి నుంచో వినిపిస్తున్న టాక్‌. ఈ క్రమంలోనే మే 20 న ఎన్టీఆర్ పుట్టిన రోజు సందర్భంగా దేవర మూవీ మేకర్స్ ఫ్యాన్స్ కు సాలిడ్ అప్డేట్ ఇచ్చేందుకు సిద్ధం అవుతున్నట్లు తెలుస్తుంది.
ఎన్టీఆర్ పుట్టిన రోజు సందర్భంగా దేవర మూవీ నుంచి ఫస్ట్ సింగల్ విడుదల చేయనున్నట్లు సమచారం. ఈ ఫస్ట్ సింగల్ ఎలా ఉంటుందో అని అభిమానులు ఎంతో ఆనందంగా ఎదురుచూస్తున్నారు .తన మాస్ బీట్స్ తో ప్రేక్షకులను కట్టిపడేసే అనిరుద్ అసలైన మాస్ హీరోకి ఏ రేంజ్ లో ఇచ్చాడో అని ఫ్యాన్స్ ఎదురుచూస్తున్నారు. అయితే దేవర టీం మాత్రం ఫస్ట్ సింగల్ తో ఫ్యాన్స్ కు అదిరిపోయే ట్రీట్ ఇవ్వనున్నట్లు సమాచారం.
