పాన్‌ ఇండియా హీరో ప్రభాస్ కల్కి సినిమా కోసం కేవలం ఆయన అభిమానులు మాత్రమే కాకుండా యావత్‌ సినీ ప్రపంచం ఎదురు చూస్తుంది. నాగ్‌ అశ్విన్‌ డైరెక్షన్‌ లో కల్కి 2898 ఏడీ సినిమా రూపుదిద్దుకుంటున్న విషయం తెలిసిందే. శ్రీ వైజయంతి మూవీస్ బ్యానర్ మీద అత్యంత భారీ బడ్జెట్ తో తెరకెక్కుతున్న ఈ సినిమాలో ప్రభాస్ తో పాటు దిశా పటానీ, దీపికా పదుకొనె హీరోయిన్లుగా చేస్తున్నారు.
ఈ సినిమాలో అమితాబ్ బచ్చన్ కీలక పాత్రలో నటిస్తుండగా లోక నాయకుడు కమల్ హాసన్ విలన్‌గా నటిస్తున్నాడని ప్రచారం జరుగుతోంది. ఈ క్రమంలోనే ‘కల్కి 2898 AD’లో ప్రభాస్ కొత్త లుక్ ను మూవీ మేకర్స్‌ విడుదల చేశారు. తాజాగా ‘కల్కి 2898 ఏడీ’ సినిమాపై చిత్ర బృందం కీలక అప్డేట్ ఇచ్చారు. అందులో ప్రభాస్ లుక్ ను కొత్త తరహలో స్టార్ స్పోర్ట్స్ ఛానల్ లో విడుదల చేశారు.
IPLలో మే 3న ముంబై, KKR మ్యాచ్ ఉంటుందని ప్రభాస్ తో చెప్పించారు. ఇక ఆ తరువాత భైరవ ఆశ్చర్యపరిచాడా? అని వైజయంతి మూవీస్ ట్వీట్ చేసింది. ప్రభాస్ లుక్ అయితే ఒక రేంజ్ లో కనిపిస్తోంది. ఎప్పుడూ లేని విధంగా IPL 2024 మ్యాచ్ మధ్యలో ప్రభాస్ ‘భైరవ’ అవతార్‌లో ప్రేక్షకులను ఆశ్చర్యపరిచి ప్రపంచవ్యాప్తంగా ప్రేక్షకులను ఆకట్టుకున్నాడు. ఈ వీడియో లక్నో సూపర్ జెయింట్స్ VS ముంబై ఇండియన్స్ IPL మైక్ సందర్భంగా ప్రదర్శించడం జరిగింది.
తన భైరవ గెటప్ లో ప్రభాస్ కనిపించాడు. మునుపటి IPL ప్రసారాల సమయంలో అమితాబ్ బచ్చన్ అశ్వత్థామ పాత్రను రివీల్ చేస్తే ఇప్పుడు ప్రభాస్ భైరవ అవతార్ ను రివీల్ చేశారు. ఇక ‘కల్కి 2898 AD’ 27 జూన్ 2024న ప్రపంచవ్యాప్తంగా ప్రేక్షకుల ముందుకు రాబోతున్నట్లు చిత్ర బృందం ఇప్పటికే ప్రకటించింది.
