జాతిరత్నాలు సినిమాతో యువత గుండెల్లో గూడు కట్టుకున్న భామ ఫరియా అబ్దుల్లా. ఒక్క సినిమాతోనే ఓవర్‌ నైట్‌ హీరోయిన్‌ అయిపోయింది. అందులో చిట్టి పాత్ర ఇప్పటికీ అందరికీ గుర్తుండే ఉంటుంది. ఆ తర్వాత కూడా ఈ అమ్మడు కొన్ని సినిమాలు చేసింది కానీ పెద్దగా ఆ సినిమాలు ఆమెకు పేరును తీసుకుని రాలేకపోయాయి.
కొన్ని సినిమాల్లో ఐటమ్ సాంగ్ ల్లో కూడా మెరిసింది . తాజాగా చిట్టి అల్లరి నరేశ్ సరసన ఓ సినిమా చేస్తుంది. సినిమాలు విషయం ఎలా ఉన్నప్పటికీ సోషల్ మీడియాలో మాత్రం చిట్టి ఎప్పుడూ యాక్టివ్‌ గానే ఉంటుంది. ఎప్పటికప్పుడు తన తాజా చిత్రాలను షేర్‌ చేస్తూ ఉంటుంది.
ఈ అమ్మడు జాతి రత్నాలు సినిమా తర్వాత బంగార్రాజు, రావణసుర, లైక్ షేర్‌ సబ్ స్క్రైబ్ వంటి చిత్రాలతో అలరించింది. ఇటీవల తెలుగు సినిమాల్లో కనిపించలేదు . కానీ చిట్టి ప్రస్తుతం తమిళంలో సినిమాలు చేస్తూ బిజీగా ఉంటుంది. ఈక్రమంలోనే తెలుగులో అల్లరి నరేష్ తో ఆ ఒక్కటి అడక్కు సినిమాలో నటిస్తుంది. ఈ సినిమా వచ్చే నెలలో ప్రేక్షకుల ముందుకు రాబోతుంది. ఈ క్రమంలోనే చిట్టి పలు ఇంటర్వ్యూలలో పాల్గొంటూ సందడి చేస్తుంది.
ఇదిలా ఉండగా.. తాజాగా ఓ ఇంటర్వ్యూలో పాల్గొన్న చిట్టి తన పెళ్లి గురించి ఆసక్తికర వ్యాఖ్యలు చేసింది.. నేను చాలా హైట్ ఉంటాను కదా నా హైట్ కు మ్యాచ్ అయ్యేలా ఉండే అబ్బాయి కావాలి. అంతకన్నా ముందు తనను అర్థం చేసుకుంటూ ఎప్పుడు సరదాగా ఉండే అబ్బాయి అయితే బాగుంటుందని ఫరియా ఇంటర్వ్యూలో వివరించింది. ప్రస్తుతం ఈ వాఖ్యలు సోషల్ మీడియాలో తెగ వైరల్ అవుతున్నాయి.
