యంగ్‌ రెబల్‌ స్టార్ ప్రభాస్‌ ఫ్యాన్స్ ఎప్పుడెప్పుడా అని ఎదురు చూస్తున్న కల్కి 2998 ఏడీ నుంచి మరో అప్‌ డేట్‌ వచ్చేస్తున్నట్లు చిత్రం బృందం వివరించింది. దర్శకుడు నాగాశ్విన్‌ ఎంతో ప్రతిష్టాత్మకంగా తెరకెక్కిస్తున్న ఈ చిత్రంలోని అమితాబ్ క్యారెక్టర్‌ ను ఇప్పటికే చిత్ర బృందం పరిచయం చేసింది.
తాజాగా అభిమానులకు గూస్ బంప్స్ తెప్పించే మరో వీడియోను చిత్ర బృందం నెట్టింట విడుదల చేయబోతున్నట్లు మూవీ మేకర్స్‌ ప్రకటించారు. ‘కల్కి 2998’ చిత్రం నుంచి ఏప్రిల్ 27 సాయంత్రం 5 గంటలకు అభిమానులకు పెద్ద సర్‌ప్రైజ్‌ చేయబోతున్నట్లు వైజయంతి మూవీస్ ట్విటర్లో ట్వీట్ చేసింది. ఇక ఇందుకు సంబంధించి రిలీజ్ చేసిన వీడియోలో.. శివుడు రుద్రాక్షాలతో కొలువై ఉండగా.. ముఖానికి ముసుగులో ఒక వ్యక్తిని చూపించారు.
అయితే ఆ ముసుగులో ఉన్నది ఎవరూ అనేది మాత్రం క్లారిటీ లేదు. దీంతో ఈ లుక్ సినిమాపై మరింత హైప్ క్రియేట్ చేసింది. ఇక వైజయంతి మూవీస్ బ్యానర్‌పై నాగ్ అశ్విన్ నిర్మిస్తున్న సినిమాలో దీపికా పదుకొణె, కమల్ హాసన్, అమితాబ్ బచ్చన్ ముఖ్య పాత్రలు పోషిస్తున్నారు.
