జాతీయ నటుడు అల్లు అర్జున్ హీరోగా , స్టార్‌ డైరెక్టర్ సుకుమార్ కాంబోలో రూపుదిద్దుకున్న సినిమా పుష్ప. ఈ సినిమా ఎంతటి పెద్ద విజయాన్ని సాధించిందో అందరికీ తెలిసిందే. బన్నీని జాతీయ కథానాయకుడిగా నిలబెట్టింది. దీంతో బన్నీ క్రేజ్‌ పాన్‌ ఇండియా స్థాయిలో భారీగా పెరిగింది. ప్రస్తుతం పుష్ప మూవీకి సీక్వెల్ గా పుష్ప 2 మూవీ రూపుదిద్దుకుంటుంది.
ఈ చిత్రాన్ని క్రియేటివ్ డైరెక్టర్ సుకుమార్ పార్ట్ 1 కంటే భారీగా తెరకెక్కిస్తున్నారు. పుష్ప మూవీ తెలుగు ప్రేక్షకుల కంటే హిందీ ప్రేక్షకులకు కూడా విపరీతంగా నచ్చేసింది. పుష్పలో అల్లు అర్జున్ యాక్టింగ్ ప్రేక్షకులకు తెగ నచ్చేసింది. పుష్ప 2 మూవీ కోసం ప్రేక్షకులు ఎంతగానో ఎదురుచూస్తున్నారు. ప్రస్తుతం పుష్ప 2 మూవీ శరవేగంగా షూటింగ్ జరుపుకుంటుంది. రీసెంట్ గా అల్లుఅర్జున్ బర్త్డే సందర్భంగా పుష్ప 2 మేకర్స్ టీజర్ ను రిలీజ్ చేసి ఫ్యాన్స్ ని సర్ప్రైజ్ చేసారు.
మూవీ టీజర్ కు ప్రేక్షకుల నుంచి విపరీతమైన స్పందన వచ్చింది. టీజర్ లో బన్నీ అమ్మవారి వేషంతో ఇరగదీశాడు .ఈ సినిమాను ఆగష్టు 15 న విడుదల చేయనున్నట్లు చిత్ర బృందం టీజర్ లోనే ప్రకటించారు. ఇదిలా ఉంటే పుష్ప 2 నుంచి మరో స్టన్నింగ్ అప్డేట్ తో మేకర్స్ ఫ్యాన్స్ కు బిగ్ సర్ప్రైజ్ ఇచ్చారు. పుష్ప 2 లో ఫస్ట్ సింగిల్ లిరికల్ ప్రోమోను బుధవారం సాయంత్రం 04.05 గంటలకు రిలీజ్ చేయనున్నట్లు చిత్ర యూనిట్ ప్రకటించింది. పుష్ప 2 శ్రీవల్లి పాత్రలో మరోసారి రష్మిక నటిస్తున్న విషయం తెలిసిందే.
