యంగ్ అండ్‌ టాలెంటెండ్‌ డైరెక్టర్ వశిష్ట డైరెక్షన్‌ లో మెగాస్టార్ చిరంజీవి కాంబోలో రాబోతున్న భారీ బడ్జెట్‌ చిత్రం విశ్వంభర. ఈ సినిమా ఫాంటసీ డ్రామాగా తెరకెక్కుతుంది. ఈ సినిమాను వచ్చే ఏడాది సంక్రాంతి కానుకగా జనవరి 10 న ప్రపంచ వ్యాప్తంగా విడుదల చేసేందుకు చిత్ర బృందం సన్నాహాలు చేస్తుంది.
ఈ సినిమాలో చిరంజీవి సరసన త్రిష కృష్ణన్ కథానాయిక గా చేస్తుంది. ప్రముఖ ప్రొడక్షన్ డిజైనర్ AS ప్రకాష్ చేత ఏర్పాటు చేయబడిన 54 అడుగుల హనుమాన్ విగ్రహంతో కూడిన భారీ సెట్‌లో చిత్ర బృందం భారీ ఇంటర్వల్ స్టంట్ సీక్వెన్స్‌ను చిత్రీకరిస్తోంది. రామ్ – లక్ష్మణ్ మాస్టర్స్ ఈ స్టంట్ సీక్వన్స్‌ ను పర్యవేక్షిస్తున్నారు.
చిరంజీవి, ఫైటర్స్ మధ్య ఉత్కంఠభరితంగా రూపొందించిన ఈ ఫైట్‌తో ఇంటర్వెల్ బ్లాక్ వేరే లెవెల్లో ఉండనుంది. ఈ సీక్వెన్స్ ఇండియన్ సినిమాలో మునుపెన్నడూ లేని విధంగా 26 వర్కింగ్ డేస్‌లో షూట్ చేయడం జరిగింది. చిరు ఒక్క ఫైట్ సీక్వెన్స్ కోసం ఇన్ని రోజులు కేటాయించడం ఇదే మొదటిసారి. ఈ సీక్వెన్స్ షూటింగ్ నేటితో పూర్తవుతుంది.
