టాలీవుడ్ స్టార్ హీరో, యంగ్‌ టైగర్‌ జూనియర్ ఎన్టీఆర్ ప్ర‌ధాన పాత్ర‌ల్లో నటిస్తున్న తాజా చిత్రం ‘దేవర’. కొరటాల శివ ఈ సినిమాకు దర్శకత్వం వహిస్తుండ‌గా.. జాన్వీకపూర్ హీరోయిన్‌గా చేస్తుంది. ఈ సినిమాలో బాలీవుడ్‌ నటుడు సైఫ్ అలీఖాన్ ప్రతినాయకుడిగా నటిస్తున్న సంగతి తెలిసిందే. ఇక ఈ సినిమా రెండు భాగాలుగా రానున్న‌ట్లు చిత్ర బృందం ముందే ప్ర‌క‌టించిన విషయం తెలిసిందే. తొలిభాగం దసరా కానుకగా 2024 అక్టోబ‌ర్ 10న విడుద‌ల కానుంది. ఇప్ప‌టికే మూవీ నుంచి ఫ‌స్ట్ లుక్‌తో పాటు గ్లింప్స్ విడుద‌ల చేయ‌గా.. ప్రేక్ష‌కుల‌ను బాగా ఆక‌ట్టుకున్నాయి.
ఇదిలా ఉంటే తాజాగా ఈ సినిమా నుంచి అదిరిపోయే విషయం ఒకటి బ‌య‌ట‌కు వ‌చ్చింది . ఈ మూవీలో టాలీవుడ్ స్టార్ హీరోయిన్ పూజ హెగ్డే స్పెష‌ల్ సాంగ్‌లో ఆడిపాడబోతున్నట్లు తెలుస్తుంది. ఇప్ప‌టికే ఈ విషయం గురించి పూజను చిత్ర‌యూనిట్ సంప్ర‌దించ‌గా.. పూజ ఓకే చెప్పినట్లు టాక్‌ వినిపిస్తుంది.
కాగా దీనిపై అధికారిక ప్ర‌క‌ట‌న రావాల్సి ఉంది. పూజ హెగ్డే ఇంత‌కుముందు రామ్ చ‌రణ్‌తో రంగ‌స్థ‌లం సినిమాలో జిగేలు రాణి అంటూ ఆడిపాడిన సంగతి తెలిసిందే. ఇప్పుడు తారక్‌ కోసం మరోసారి పూజా ఐటమ్ సాంగ్‌ చేయనుంది.
