మంచు విష్ణు ఎంతో ప్రతిష్టాత్మకంగా రూపొందిస్తున్న చిత్రం కన్నప్ప. ఈ సినిమాని పాన్ ఇండియా లెవల్లో భారీ బడ్జెట్ తో రూపుదిద్దుకుంటుంది. ఈ సినిమాలో విష్ణు కన్నప్పగా నటిస్తున్న విషయం తెలిసిందే. మహాశివరాత్రి సందర్భంగా కన్నప్ప సినిమా నుంచి మంచు విష్ణు ఫస్ట్ లుక్‌ పోస్టర్ ను కూడా విడుదల చేశారు.
అందులో మంచు విష్ణు జలపాతం నుంచి కనిపిస్తూ బాణంతో ఎక్కుపెడుతున్నట్లు గా వుంది . ఈ పోస్టర్ ప్రేక్షకులను బాగా ఆకట్టుకుంది. కన్నప్ప మూవీలో మోహన్ లాల్ , ప్రభాస్ , అక్షయ్ కుమార్ వంటి బిగ్ స్టార్స్ నటిస్తున్నారు. దీనితో ఈ సినిమాపై భారీగా అంచనాలు ఉన్నాయి. మంచు విష్ణు ప్రస్తుతం కన్నప్ప షూటింగ్ లో బిజీగా ఉన్నాడు. ఓ వైపు మా అధ్యక్షుడి గా ఉంటునే బాధ్యతలు నిర్వహిస్తూనే మరోవైపు హీరోగా విష్ణు రాణిస్తున్నాడు .
ఇదిలా ఉంటే మంచు విష్ణు రీసెంట్ గా ఓ ఇంటర్వ్యూ లో పాల్గొన్నారు .మంచు విష్ణు మాట్లాడుతూ టాలీవుడ్ లో సీనియర్ హీరోల చిత్రాలు కొన్ని రీమేక్ చేయాలని ఉన్నట్లు తన మనసులో మాట బయట పెట్టాడు. నాకు భైరవద్వీపంలో బాలకృష్ణ గారి పాత్ర అంటే చాలా ఇష్టం. ఆ పాత్రలో ఎన్నో వేరియేషన్స్ ఉంటాయి. ఆ చిత్రంలో బాలకృష్ణ గారు ఎంతో అద్భుతంగా నటించారు. అవకాశం వస్తే ఆ పాత్రలో నటించాలని ఉందని విష్ణు తెలిపారు.
.అలాగే నాన్నగారి చిత్రాల్లో అల్లుడుగారు , అసెంబ్లీ రౌడీ వంటి చిత్రాలు రీమేక్ చేయాలని ఉందని తెలిపారు.అలాగే నాగార్జున గారు నటించిన అన్నమయ్య , వెంకటేష్ గారు నటించిన చంటి అంటే ఎంతో ఇష్టమని విష్ణు తెలిపారు.ఇక చిరంజీవి గారు , కె విశ్వనాథ్ గారి కాంబినేషన్ లో వచ్చిన సినిమాలంటే తనకు పిచ్చ ఇష్టమని విష్ణు తెలిపారు.
