మెగాస్టార్ సతీమణి సురేఖ, కోడలు ఉపాసన కలిసి అత్తమ్మాస్ కిచెన్ అంటూ ఓ కొత్త బిజినెస్‌ ని స్టార్ట్‌ చేసిన విషయం తెలిసిందే. సాంప్రదయా రుచులలో భాగంగా ఇంట్లో చేసుకునే వంటకంలా వారి రుచులు ఉండబోతున్నట్లు వారు ప్రకటించిన విషయం తెలిసిందే.
ఇందులో భాగంగానే అత్తకోడళ్లు ఇద్దరు కూడా ఆ పనిలోనే ఉన్నారు.
అసలు విషయం ఏంటంటే..చిరు సతీమణి స్వయంగా ఆవకాయ పచ్చడిని ఆమె చేతులతో పెడుతున్న వీడియోను ప్రస్తుతం చరణ్‌ భార్య ఉపాసన సోషల్ మీడియాలో షేర్‌ చేసింది. దీంతో అది కాస్త వైరల్ గా మారింది. ఈ వీడియోలో మొదటగా చిరంజీవి తల్లి అంజనాదేవి కనబడుతుంది. ఉపాసన వెళ్లి అంజనాదేవిని నాయనమ్మ మీరు ఎందుకు సీరియస్ గా ఉన్నారని అడగగా.. దానికి ఆమె పని లేక ఇక్కడ కూర్చున్న అంటుంది.
ఆ తర్వాత వీడియోను సురేఖ దగ్గరికి తీసుకువెళ్లి.. ‘అత్తమ్మ క్యా హోరా అత్తమ్మ’ అంటూ అనగా ఆ తర్వాత వెల్కమ్ టు ‘అత్తమ్మాస్ కిచెన్’ అంటూ ఆ వీడియో చివర్లో తెలుపుతుంది.ఈ వీడియోని చూసిన మెగా అభిమానులు కూడా ఫుల్ ఖుషి అయిపోతున్నారు. ఇంట్లోనే లేడీస్ అందరూ ఎంతో చక్కగా చూడముచ్చటగా ఉన్నారంటూ తెగ పొగడ్తలతో ముంచేస్తున్నారు.
