లోక నాయకుడు కమల్ హాసన్ నటిస్తున్న మోస్ట్‌ అవైటెడ్‌ చిత్రం భారతీయుడు 2… స్టార్‌ డైరెక్టర్‌ శంకర్‌ ఈ సినిమాను తెరకెక్కిస్తున్న విషయం తెలిసిందే. ఈ సినిమాని లైకా ప్రొడక్షన్స్‌, రెడ్‌ జెయింట్‌ బ్యానర్‌ పై సుభాస్కరన్‌ నిర్మిస్తున్న భారీ బడ్జెట్‌ చిత్రమిది. శంకర్‌, కమల్ కాంబినేషన్‌ లో గతంలో వచ్చిన భారతీయుడు సినిమాకి ఈ సినిమాకి సీక్వెల్ గా రాబోతుంది.
అప్పట్లో భారతీయుడు సినిమా బాక్స్ ఆఫీస్ వద్ద ఎన్నో రికార్డులు క్రియేట్‌ చేసింది. ఆ విషయం అందరికీ తెలిసిందే. తాజాగా ఆ సినిమాకి సీక్వెల్ తెరకెక్కుతుండటంతో ప్రేక్షకులలో సినిమాపై ఆసక్తి పెరిగింది . అవినీతికి వ్యతిరేకంగా పోరాడే సేనాపతిగా కమల్ హాసన్ మరోసారి తన విశ్వరూపం చూపించడానికి రెడీ అయ్యారు. ఎన్నో అడ్డంకులను అధిగమించి షూటింగ్ పూర్తి చేసుకున్న భారతీయుడు సినిమాను తాజాగా జూన్ నెలలో థియేటర్లలోకి విడుదల చేస్తామని చిత్ర బృందం ఇటీవల ప్రకటించింది.
దీనికి సంబంధించిన పోస్టర్‌ను కూడా విడుదల చేశారు.ఈ పోస్టర్‌ లో తెల్లటి ధోతి, కుర్తాలో కమల్ హాసన్ కనిపించారు. ఈ చిత్రంలో సిద్ధార్థ్, కాజల్ అగర్వాల్‌, రకుల్ ప్రీత్ సింగ్, ప్రియా భవానీ శంకర్‌, ఎస్‌.జె.సూర్య , బాబీ సింహ ముఖ్య పాత్రల్లో నటిస్తున్నారు. ఈ చిత్రానికి యంగ్ మ్యూజిక్ సెన్సేషన్ అనిరుద్ సంగీతం అందిస్తున్నారు .
ఇదిలా ఉంటే నేడు హీరో సిద్దార్థ్ పుట్టినరోజు .ఈ సందర్భంగా చిత్ర యూనిట్ సిద్దార్థ్ ఫస్ట్‌ లుక్ ను విడుదల చేసింది . మీ వైవిధ్యభరితమైన పాత్రలు , కాలాతీత ఆకర్షణ అందరినీ ఆకర్షిస్తూనే ఉన్నాయి.. ఇదిగో మీ ప్రయాణంలో మరో ఏడాది విజయం అంటూ భారతీయుడు టీం సిద్ధార్థ్ కు బర్త్డే విషెస్ తెలియజేసింది .
