చియాన్ విక్రమ్ నటిస్తున్న పీరియాడిక్‌ యాక్షన్‌ సినిమా తంగలాన్….ఈ సినిమాని ప్రముఖ డైరెక్టర్‌ పా రంజిత్ తెరకెక్కిస్తున్న విషయం తెలిసిందే. ఈ సినిమాని జ్ఙానవేల్‌ రాజా స్టూడియో గ్రీన్, జియో స్టూడియోస్ బ్యానర్స్‌ పై నిర్మిస్తున్నారు. ఈ చిత్రం నుంచి ఓ స్పెషల్ గ్లింప్స్ ని విడుదల చేశారు.
బుధవారం చియాన్ విక్రమ్ పుట్టినరోజు సందర్భంగా ఆయనకు బర్త్ డే విశెస్ చెబుతూ “తంగలాన్” సినిమా నుంచి స్పెషల్ గ్లింప్స్ రిలీజ్ చేయగా సినిమా కోసం విక్రమ్ ఎంతగా కష్టపడ్డాడో ఈ గ్లింప్స్ చూస్తే తెలుస్తుంది. విక్రమ్ ఎలా తన పర్ ఫార్మెన్స్, స్క్రీన్ ప్రెజెన్స్ తో ఎలా మెస్మరైజ్ చేయబోతున్నాడో ఈ ఒక్క వీడియోతో తెలిసిపోతుంది. “తంగలాన్” సినిమా కోసం విక్రమ్ మారిపోయిన తీరు ప్రతి ఒక్కరినీ ఆశ్చర్యపరుస్తోంది.
తాజాగా విడుదలైన గ్లింప్స్ సందర్భంగా దర్శకుడు పా రంజిత్ మాట్లాడుతూ – “తంగలాన్” సినిమాను చరిత్రలో జరిగిన కొన్ని నిజ ఘటనల ఆధారంగా తెరకెక్కిస్తున్నట్లు పేర్కొన్నారు. ఆ అడ్వెంచర్ స్టోరీని రూపొందించడంలో హీరో విక్రమ్ తో పాటు చిత్ర బృందం నాకు ఎంతో సపోర్ట్ చేసిందని, జియో స్టూడియోస్ “తంగలాన్” మూవీ కోసం స్టూడియో గ్రీన్ తో చేతులు కలపడం సంతోషంగా ఉందని పేర్కొన్నారు.
జియో స్టూడియోస్ రాకతో మా సినిమా గ్లోబల్ ఆడియెన్స్ కు మరింతగా రీచ్ అవుతుందని ఆశిస్తున్నా, హీరో విక్రమ్ “తంగలాన్” సినిమా కోసం ఎంతగా కష్టపడ్డారో ఈ గ్లింప్స్ మీకు చూపిస్తుందన్నారు. “తంగలాన్” సినిమాలో పార్వతి తిరువొతు, మాళవిక మోహనన్ హీరోయిన్లుగా నటిస్తున్నారు.
