షార్ట్‌ ఫిల్మ్‌ ల నుంచి సినిమాల్లోకి ఎంట్రీ ఇచ్చిన ముద్దుగుమ్మ, తెలుగమ్మాయి వైష్ణవి చైతన్య. చేసిన మొదటి సినిమా బేబీ కే ఈ అమ్మడికి మంచి మార్కులు పడ్డాయి.దీంతో ఆమెకు యూత్ లో ఒక్కసారిగా క్రేజ్‌ పెరిగిపోయింది. ఈ క్రమంలోనే ఆమెకు వరుస ఆఫర్లు కూడా రావడంతో ఆమె బిజీగా మారింది.
ఆమె తాజా చిత్రం ‘లవ్ మీ’ థియేటర్లలో సందడి చేయడానికి సిద్ధమవుతోంది. దిల్ రాజు ప్రొడక్షన్స్ బ్యానర్ పై నిర్మించిన ఈ సినిమా, త్వరలో ప్రేక్షకుల ముందుకు రాబోతుంది. ఈ నేపథ్యంలో మంగళవారం రాత్రి ఈ సినిమా ఆడియో లాంచ్ కార్యక్రమం జరిగింది. ఈ వేదికపై నటి వైష్ణవి చైతన్య మాట్లాడింది.
‘లవ్ మీ’ సినిమా టీమ్ చాలా ఫాస్టుగా .. చాలా ఎనర్జిటిక్ గా వర్క్‌ చేసింది. ఈ సినిమా ఇంత స్పీడ్ గా ఆడియో ఫంక్షన్ వరకూ రావడం నాకు ఆశ్చర్యాన్ని కలిగిస్తోంది. ఒకప్పుడూ మా అమ్మ తో కలిసి నేను ఆడియో ఫంక్షన్స్‌ కి వచ్చేదాన్ని సినిమా వాళ్లు కనిపిస్తే ఫోటో దిగడానికి వెయిట్ చేసేదాన్ని కానీ ఇప్పుడు నేనే ఓ ఆడియో ఫంక్షన్ స్టేజ్ పై ఉన్నాను. నిజంగా ఇది చాలా గొప్ప విషయంలా నాకు అనిపిస్తోందంటూ పేర్కొంది
“సినిమా వాళ్లది వేరే ప్రపంచం .. అక్కడికి వెళ్లడం నాలాంటి వారి వలన కాదని నేను అనుకునేదాన్ని కానీ ఈరోజున ఇండస్ట్రీలో ఇంతమంది పెద్దవారితో కలిసి ఈ ఫంక్షన్ లో ఉన్నాను. నా లైఫ్‌ ఎక్కడ నుంచి ఎక్కడికి వెళ్లిందో నాకే తెలియదు. ఈ క్షణం నా సంతోషానికి అవధులు లేవు అంటూ చెప్పుకొచ్చింది.
