యంగ్‌ టైగర్ ఎన్టీఆర్ స్టార్ డైరెక్టర్ కొరటాల శివ కాంబోలో వస్తున్న సినిమా దేవర. ఈ సినిమా పాన్ ఇండియా వైజ్‌ గా విడుదల చేయనున్నట్లు చిత్ర బృందం ఇప్పటికే ప్రకటించిన విషయం తెలిసిందే. ఈ సినిమా పాన్ ఇండియా లెవల్లో అక్టోబర్ 10 దసరా కానుకగా ప్రేక్షకుల ముందుకు తీసుకురానున్నట్లు చిత్ర బృందం తెలిపింది.
ఐతే, ఇప్పుడు దేవర సినిమాకి పోటీగా మరో స్టార్ హీరో సినిమా రాబోతుందని సమాచారం.అది మరెవరో కాదు. సూపర్ స్టార్ రజనీకాంత్. ఆయన హీరోగా జ్ఞానవేల్ దర్శకత్వంలో చేస్తున్న సినిమా వేట్టయాన్ కూడా అక్టోబర్ లో విడుదల కానున్నట్లు సమాచారం. లైకా ప్రొడక్షన్స్ బ్యానర్ పై తెరకెక్కుతున్న ఈ సినిమాను అక్టోబర్ లో విడుదల చేస్తున్నట్లు మూవీ మేకర్స్ క్లారిటీ ఇచ్చారు.
దేవర దసరా కానుక గా రాబోతుంది. రజనీ మూవీ కూడా దసరా కానుక గానే వస్తోంది అంటున్నారు. మరి ఈ పోటీకి బ్రేక్ ఇస్తారా ? లేక, పోటీలోనే ఉంచుతారా ? అనేది చూడాలి. అన్నట్టు రజనీకాంత్ సినిమాలో అమితాబ్ బచ్చన్, ఫహాద్ ఫాజిల్, దగ్గుబాటి రానా, రావు రమేష్ లాంటి నటులు కూడా నటిస్తున్నారు. ఇక దేవర సినిమాలో సైఫ్ అలీఖాన్, జాన్వీ కపూర్, జగపతిబాబు వంటి నటీనటులు నటిస్తున్నారు.
