మంచు విష్ణు మరోసారి మా అధ్యక్షుడిగా ఏకగ్రీవంగా ఎన్నికయ్యాడు. 26 మంది కమిటీ సభ్యులు మా అసోసియేషన్ భవనం నిర్మించే వరకు కూడా విష్ణునే అధ్యక్షునిగా కొనసాగాలంటూ ఏకగ్రీవ తీర్మానాన్ని ఇచ్చారు. ప్రతి రెండు సంవత్సరాలకు ఓ సారి జరగాల్సిన మా అసోసియేషన్ ఎన్నికలు… ఈ సారి ఎలాంటి ఎన్నికలకు వెళ్లకుండానే విష్ణు పేరును ఖరారు చేశారు.
దీంతో మరోసారి మా అధ్యక్షుని పీఠం పై మంచు విష్ణునే కూర్చున్నారు. ఈ 26 మంది సభ్యుల కమిటీలో రఘు బాబు జెనరల్ సెక్రెటరీ, కరాటే కళ్యాణి జాయింట్ సెక్రటరీ, శివ బాలాజీ ట్రెజర్, ఈసీ మెంబెర్స్ గా మధుమిత, శైలజ, జై వాణిలు విష్ణు టీమ్ లో ఉన్నారు. వీరంతా కూడా విష్ణు పని తీరును మెచ్చుకున్నారు.
మా అధ్యక్షునిగా ఓ వ్యక్తి 5 సంవత్సరాలు కొనసాగడం చరిత్రలో ఇదే తొలిసారి. కాబట్టి మరో ఐదేళ్లు మా ఎలక్షన్స్ లేనట్లే అని సమాచారం.
2021 లో జరిగిన ‘మా’ ఎన్నికలలో మంచు విష్ణు ప్రకాష్‌ రాజ్‌ మీద పోటీ చేసి మొదటిసారి అధ్యక్షుడిగా ఎన్నికయ్యారు
