అంజలి ప్రధాన పాత్రలో శ్రీనివాస్‌ రెడ్డి, సత్యం రాజేష్‌, షకలక శంకర్‌, ప్రధాన పాత్రలుగా వచ్చిన గీతాంజలి సినిమా ఎంత హిట్‌ అయిందో అందరికీ తెలిసిందే. ఇప్పుడు ఆ సినిమాకి సీక్వెల్‌ గా శ్రీనివాస్‌ రెడ్డి, సునీల్‌, సత్యం రాజేష్‌, సత్య, షకలక శంకర్‌, అలీ, బ్రహ్మాజీ, రవి శంకర్‌, రాహుల్‌ మాధవ్‌ ప్రధాన తారాగణంగా గీతాంజలి మళ్లీ వచ్చింది.. అంటూ ప్రేక్షకుల ముందుకు రాబోతుంది.
ఈ సినిమాకు శివ తుర్లపాటి డైరెక్షనలో తెరకెక్కుతున్న హారర్ కామెడీ ఎంటర్టైనర్ గా ఇది రూపుదిద్దుకుంటుంది. ఈ చిత్రం నుండి విడుదలైన పోస్టర్స్‌కి ప్రేక్షకుల నుండి మంచి స్పందన వచ్చింది.
తాజాగా ఈ చిత్రం ట్రైలర్ ను విడుదల చేసారు చిత్ర బృందం. ఈ ట్రైలర్ మొదటి నుంచి కూడా ప్రేక్షకుల్ని ఆకట్టుకుంది. కామెడీ, హారర్ ఎలిమెంట్స్ తో ఈ ట్రైలర్ అలరించింది. ఈ చిత్రం ఏప్రిల్ 11, 2024 న ప్రపంచ వ్యాప్తంగా థియేటర్ల లో విడుదల కాబోతుంది. ఈ చిత్రాన్ని ఎంవీవీ సినిమా, కోన ఫిల్మ్ కార్పొరేషన్ బ్యానర్ లపై ఎంవీవీ సత్య నారాయణ, GV లు సంయుక్తంగా నిర్మిస్తున్నారు. ఈ చిత్రానికి ప్రవీణ్ లక్కరాజు సంగీతం అందించారు.
