ఐకాన్ స్టార్ అల్లు అర్జున్‌ మెయిన్‌ రోల్ లో నటిస్తున్న చిత్రం పుష్ప 2… ది రూల్‌ . ఈ చిత్రాన్ని స్టార్ డైరెక్టర్‌ సుకుమార్‌ తెరకెక్కిస్తున్నారు. ఈ సినిమాలో శ్రీవల్లి పాత్రలో రష్మిక నటిస్తున్న విషయం తెలిసిందే. రష్మిక పుట్టిన రోజు సందర్బంగా ఏప్రిల్‌ 5 న చిత్ర బృందం పుష్ప 2 సినిమా నుంచి శ్రీవల్లికి సంబంధించిన ఏదైనా పోస్టర్‌ కానీ, గ్లింప్స్ కానీ ఏదైనా విడుదల చేస్తారేమో అని అభిమానులు ఎదురు చూస్తున్నారు.
మరి దీని గురించి మేకర్స్ నుంచి క్లారిటీ రావాల్సి ఉంది. అంతేకాకు అల్లు అర్జున్‌ బర్త్‌ డే సందర్భంగా చిత్రం నుంచి టీజర్‌ వచ్చే అవకాశాలు కనిపిస్తున్నాయి. ఈ సినిమా పుష్ప సినిమా కి సీక్వెల్‌..పుష్ప సినిమా పాన్‌ ఇండియా లెవల్లో ఎంత పెద్ద హిట్ అయ్యిందో తెలిసిందే.. బన్నీ ని జాతీయ నటుడిగా నిలబెట్టిన సినిమా.
అంత పెద్ద హిట్ అయిన సినిమా సీక్వెల్‌ కోసం అభిమానులు ఎంతగానో ఎదురు చూస్తున్నారు. ఈ సినిమాకు డీఎస్పీ అందిస్తున్న సంగీతం సినిమా మీద మరిన్ని అంచనాలను పెంచేసింది.
