టాలీవుడ్‌ యంగ్‌ హీరో నవీన్ పోలిశెట్టికి అమెరికాలో ప్రమాదం జరిగింది. అక్కడ బైక్‌ నడుపుతూండగా జారి కింద పడడంతో చేతికి ఫ్యాక్చర్ అయినట్లు సమాచారం. దీంతో ఆయనకు రెండు నెలల విశ్రాంతి అవసరమని తెలుస్తోంది. అయితే నవీన్ షూటింగ్ లో ఈ ప్రమాదం జరిగిందా.. లేక మామూలు సందర్భంలో జరిగిందా అనే విషయం మీద క్లారిటీ లేదు.
దీంతో ఈ ప్రమాదం గురించి తెలుసుకున్న నవీన్ అభిమానులు ఆందొళన చెందుతున్నారు. నవీన్ త్వరగా కోలుకోవాలని మెసేజ్‌ లు పెడుతున్నారు. నవీన్ పోలిశెట్టి గతేడాది మిస్‌ శెట్టి..మిస్టర్‌ పోలిశెట్టి సినిమాతో అభిమానుల ముందుకు వచ్చి మంచి హిట్‌ ని అందుకున్నాడు.
ప్రస్తుతం నవీన్ తన కొత్త సినిమా షూటింగ్ కోసం అమెరికా వెళ్లినట్లు తెలుస్తుంది. ఆ సమయంలోనే ప్రమాదం జరిగినట్లు అభిమానులు భావిస్తున్నారు. ఈ సినిమాలో నవీన్ సరసన శ్రీలీల జంటగా నటిస్తుంది.
