మాటల మాంత్రికుడు త్రివిక్రమ్ శ్రీనివాస్‌ కొద్ది రోజుల క్రితం సూపర్ స్టార్ మహేష్‌ తో గుంటూరు కారం మూవీ తీసి ఫర్వాలేదనిపించుకున్నాడు.. కానీ సూపర్ హిట్‌ అయితే అందుకోలేదు. ఈ క్రమంలోనే మహేష్‌ తన తరువాత చిత్రాన్ని దర్శకధీరుడు రాజమౌళి తో చేస్తున్నట్లు ప్రకటించాడు. ఆ సినిమాకి ఎస్‌ఎస్‌ఎంబీ 29 అని వర్కింగ్ టైటిల్ కూడా ఫిక్స్ చేశారు.
ఈ చిత్రం గురించి త్వరలోనే అనౌన్స్‌ మెంట్‌ రానుందని చిత్ర బృందం ప్రకటించింది. తాజాగా సూపర్ స్టార్ మహేష్‌, త్రివిక్రమ్ శ్రీనివాస్‌ గురించి ఇండస్ట్రీలో మరో వార్త చక్కర్లు కొడుతుంది. అది ఏంటంటే మహేష్‌ త్రివిక్రమ్ కాంబోలో మరో సినిమా రాబోతున్నట్లు ఇండస్ట్రీలో టాక్ వినిపిస్తుంది.
ఇప్పటికే వీరిద్దరూ కలిసి మూడు సినిమాలు చేశారు. కానీ ఈసారి వీరిద్దరి కాంబోలో భారీ యాక్షన్‌ సినిమా రాబోతుందనే టాక్ వినిపిస్తుంది. గుంటూరు కారం సినిమా చేస్తున్న సమయంలోనే ఈ చిత్రం గురించి ప్రస్తావించారు. అదే ఇప్పుడు హై యాక్షన్‌ ఎంటర్‌టైనర్‌ గా భారీ స్థాయిలో తెరకెక్కించనున్నారని సమాచారం.
అయితే ఈ క్రేజీ భారీ ప్రాజెక్ట్‌ ని ఎవరు నిర్మాణ బాధ్యతలు చేపడతారు అనే దాని మీద ఇంకా క్లారిటీ రాలేదు. ఈ సినిమా తెరమీదకి రావడానికి చాలా సమయం పట్టేలా ఉంది.
