హీరో యశ్ అంటే ఎవరికీ పెద్దగా ఐడియా రాకపోవచ్చు కానీ.. కేజీఎఫ్‌ నటుడు అంటే మాత్రం టక్కున గుర్తుకు వస్తాడు. ప్రస్తుతం యశ్ ప్రధాన పాత్రలో గీతు మోహన్‌ దాస్‌ డైరెక్షన్‌ లో రూపుదిద్దుకుంటున్న చిత్ర టాక్సిక్‌. తాజాగా ఈ చిత్రం గురించి ఓ ఇంట్రెస్టింగ్‌ న్యూస్‌ బయటకు వచ్చింది.
ఈ సినిమాలో బాలీవుడ్‌ స్టార్‌ హీరోయిన్‌ కరీనా కపూర్‌ కూడా నటిస్తున్నట్లు సమాచారం. అయితే అందరూ యశ్ సరసన కరీనా హీరోయిన్‌ రోల్ అనుకున్నారు. కానీ ఉన్న సమాచారం ప్రకారం… కరీనా ది హీరోయిన్‌ రోల్ కాదు. యశ్ కి సిస్టర్ రోల్ లో కరీనా కనిపించబోతున్నట్లు సమాచారం.
ఈ సినిమా సిస్టర్ సెంటిమెంట్ తో తెరకెక్కుతున్నట్లు సమాచారం. ఇందులో కరీనాది చాలా పవర్ ఫుల్‌ రోల్ అని తెలుస్తుంది. కరీనా తన కెరీర్‌ లో ఇప్పటి వరకు ఇలాంటి రోల్ చేయలేదని తెలుస్తుంది. అయితే దీని గురించి మరింత క్లారిటీ రావాల్సి ఉంది.
