మెగా కుటుంబం నుంచి వచ్చిన వారిలో మెగా డాటర్ నిహారిక కొణిదెల ఒకరు. ఆమె ముందు ఇండస్ట్రీలోకి నటిగా వచ్చినప్పటికీ పెద్దగా నిలబడలేకపోయింది. దాంతో ఆ తరువాత హోస్ట్‌ గా మారింది.. అంతేకాకుండా నిర్మాతగా మారి ఓ బ్యానర్‌ ని కూడా నెలకొల్పింది. దాని పేరు పింక్‌ ఎలిఫెంట్‌ సంస్థ.
తాజాగా ఈ సంస్థ నుంచి ఓ యూత్‌ ఫుల్‌ ఎంటర్‌టైనర్‌ రాబోతున్నట్లు సమాచారం.ఈ చిత్రం ద్వారా కొత్త నటులు, యువ దర్శకుడు యాదు వంశీ ని శ్రీరాధా దామోదర్‌ స్టూడియోస్‌ తో కలిసి పరిచయం చెయబోతుంది. ఈ సినిమా కోసం ఓ యూత్‌ ఫుల్‌ ఆకర్షణీయమైన టైటిల్‌ ని కూడా లాక్‌ చేసినట్లు సమాచారం. ప్రస్తుతానికి ఈ సినిమా కోసం మేకర్స్‌ కమిటీ కుర్రోళ్లు అనే టైటిల్‌ రిజిస్టర్‌ చేయించారని తెలుస్తుంది.
ఈ టైటిల్‌ విన్న వెంటనే యూత్‌ కి వెంటనే కనెక్ట్‌ అయ్యేలా ఉందని చెప్పుకొవచ్చు. ఈ సినిమాలో ఉన్న కంటెంట్‌ పట్ల కూడా తాము అంతా చాలా నమ్మకంగా ఉన్నమని చిత్ర బృందం తెలిపింది. ఈ సినిమాలో ప్రసాద్‌ బెహరా, ఈశ్వర్‌ రాచిరాజు, మణికంఠ పరసు, లోకేష్‌ కుమార్‌ పరిమి, శ్యామ్‌ కల్యాణ్‌, సందీప్‌ సరోజ్‌, యశ్వంత్‌ పెండ్యాల, త్రినాథ్‌ వర్మ, శరణ్య సురేష్‌, తేజస్వీ రావు, విశిక, షణ్ముకి నాగుమంత్రీ వంటి నటులు నటిస్తున్నారు.
హనుమాన్‌ సినిమాకి మ్యూజిక్‌ వర్క్‌ చేసిన వారిలో ఒకరైన అనుదీప్‌ ఈ చిత్రానికి మ్యూజిక్‌ అందిస్తున్నారు.
