నేచురల్‌ స్టార్‌ నాని కథానాయకునిగా , కీర్తి సురేష్‌ హీరోయిన్‌ గా నటించిన చిత్రం దసరా. ఈ సినిమా ఎంత పెద్ద హిట్ అయ్యిందో తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. దసరా సినిమాని శ్రీకాంత్‌ ఓదెల తెరకెక్కించాడు. గత సంవత్సరం ఈ సినిమా విడుదలై ఎంత పెద్ద హిట్ అయ్యిందో తెలిసిందే.
ఈ సినిమా చివరిలో ఈ సినిమాకి సీక్వెల్‌ వచ్చే అవకాశాలున్నట్లు చిత్ర బృందం తెలిపింది. ఇప్పుడు ఈ సినిమాకు సంబంధించిన రెండో భాగం త్వరలోనే మొదలు పెట్టబోతున్నట్లు తెలుస్తోంది. దసరా 2 కి సంబంధించిన ఈ ఏడాది సెకండాఫ్‌ తరువాత మొదలుపెట్టబోతున్నట్లు వెల్లడించారు.
ఈ క్రమంలోనే శ్రీకాంత్‌ ఓదెల మెగాస్టార్‌ తో ఓ సినిమా కోసం కథ రెడీ చేసినట్లు ప్రచారం ఎప్పటి నుంచో జరుగుతుంది. దీనికి మెగాస్టార్‌ నుంచి కూడా గ్రీన్‌ సిగ్నల్‌ వచ్చిందని తెలిసింది. దీంతో శ్రీకాంత్‌ ఏకంగా మెగాస్టార్‌ ని డైరెక్ట్‌ చేసే ఛాన్స్‌ కొట్టేశాడని ఇండస్ట్రీలో జోరుగా ప్రచారం జరిగింది. అయితే ప్రస్తుతం శ్రీకాంత్‌ దసరా 2 మీద ఫోకస్ పెట్టినట్లు తెలుస్తుంది. దసరా హిట్ కావడంతో రెండో భాగం కూడా హిట్ అవుతుందని ప్రేక్షకులు భావిస్తున్నారు.
దసరా చివరిలో ధరణి ఏడేళ్ల జైలు శిక్ష తరువాత అడుగుపెట్టి తాగుడుకి బానిస అయిన కుర్రాళ్లను చూసి బార్‌ ని తగలబెడతాడు.. ఆ తరువాత కథ ఎలాంటి మలుపులు తిరుగుతుంది అనేది రెండో భాగం ప్రధానం కథాంశం గా తెలుస్తుంది. మరి ఈ సినిమా ఎలా ఉండబోతుందో వేచి చూడాల్సిందే.
