మెగాస్టార్‌ చిరంజీవి, వశిష్ట దర్శకత్వంలో వస్తున్న సినిమా విశ్వంభర. ఈ చిత్రం టైటిల్‌ గ్లింప్స్‌ విడుదల అయ్యాక సినిమా మీద భారీ స్థాయిలో అంచనాలు పెరిగాయి.తాజాగా ఈ చిత్రం హైదరాబాద్‌ లో ఓ కీలక షెడ్యూల్‌ ను పూర్తి చేసుకుంది. ఈ సినిమాలో త్రిష కథానాయికగా నటిస్తున్న విషయం తెలిసిందే. చిరంజీవి, త్రిష మరికొందరు ఈ సినిమా షూటింగ్‌ లో పాల్గొన్నారు.
ప్రస్తుతానికి ఈ సినిమాకు సంబంధించి కొన్ని టాకీ పార్ట్స్‌, యాక్షన్‌ బ్లాక్‌ ని షూట్‌ చేశారు. ఈ క్రమంలో చిరంజీవి నివాసంలో మ్యూజిక్‌ డైరెక్టర్‌ కీరవాణితో పాటు హీరోయిన్‌ త్రిష కొన్ని ఫొటోలని సోషల్ మీడియాలో షేర్‌ చేశారు. ఇదొక లెజెండరీ, అద్భుతమైన రోజు #విశ్వంభర
” అంటూ సోషల్ మీడియాలో పోస్ట్ పెట్టింది.
చిరంజీవి, త్రిష, వశిష్ట, కీరవాణి, విక్రమ్‌, వంశీ, చోటా కే నాయుడు, ఎఎస్‌ ప్రకాష్‌ కనిపిస్తున్న మరో పోస్టర్‌ ను చిత్ర బృందం విడుదల చేసింది. ఈ చిత్రం అత్యున్నత సాంకేతిక ప్రమాణాలతో అద్బుతంగా ఉండబోతున్నట్లు చిత్ర బృందం తెలిపింది. ఈ చిత్రాన్ని వచ్చే ఏడాది సంక్రాంతికి విడుదల చేసేందుకు చిత్ర బృందం సన్నాహాలు చేస్తుంది.
